26 Odo longcdo nolu ngok aminno koyc; odokkc ngo luma:yc jc ngo Abudcm noluk lcgangc kumyc;
Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,
Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.
Jisubv kindagai jc bulu Bvm tawupc cmna mc:dagai; cdcmpila Bv bulum lubito, “Ngo okkomna lutoji, cdcmyc nolu av avkvdv:dc tawuka:mvnsudu:n, ‘Ayir adjio:koda, odokkc nolu ngom ka:begma:yc, odokkc lckoda ayir adjio:koda, odokkc nolu ngom ka:begycku?’
“Odo longckvdv:do nolu okkomsin ngokkolokkcm ma:ma:yc. Aroru:pc, aroru:pc ngo nolum lubidung, nolu atvko Abudokkcm mamvlo, Bv cdcm ngok aminno biyc nolum.
Su:pak ngolu kindagjc no appvngcm kindag, odokkc sc:kosin nom tawunam agomko tadpcnam kama:bong; odokki ngolu mc:jvgdagjc no Ru:ncpvnckotokkc gvka.”
Odokkc buluk lcgangc ngo avyc tolvgsudung, bulusinjen arolo tolvgsuycpc cmna.
“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.
“Ngo buluk lcgangc kumdung; ngo mo:pvsok lcgangc kummang cmpige:la cdc no ngom binamkvdv:dok lcgangongc, kapila:nc bulu nokkc;
Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?