JO:N 16:23 - ANU LUGOD N. T. (BSI)

²³ “Odo longckvdv:do nolu okkomsin ngokkolokkcm ma:ma:yc. Aroru:pc, aroru:pc ngo nolum lubidung, nolu atvko Abudokkcm mamvlo, Bv cdcm ngok aminno biyc nolum.

JO:N 16:23 ပူးပေါင်းရင်းမြစ်များ

METIU 21:22

Odokkc nolu kumna okodcmci koycnc, nolu pa:yc, nolukkc mc:jvgc du:mvlo.”

METIU 7:7

“Kotoka, odokkc cdcm nolum biycpc; matoka, odokkc nolu pa:yc; piku:toka, odomvlo nolu moge:biycpc.

JO:N 14:20

Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

JO:N 14:22

Juda:bv (Iskaroit bv:mang) bvm luto, “Ru:tuma, kapc cdcmpc no ngokkolo lcngkansuycncm, odokkc rcngamscmma:nc?”

JO:N 14:5

Tomabv Bvm luto, “Ru:tuma, no okolopc gvdagji ngolu odok lambcdcm kinmang?”

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

JO:N 16:19

Jisubv kindagai jc bulu Bvm tawupc cmna mc:dagai; cdcmpila Bv bulum lubito, “Ngo okkomna lutoji, cdcmyc nolu av avkvdv:dc tawuka:mvnsudu:n, ‘Ayir adjio:koda, odokkc nolu ngom ka:begma:yc, odokkc lckoda ayir adjio:koda, odokkc nolu ngom ka:begycku?’

JO:N 16:26

Odo longcdo nolu ngok aminno koyc; odokkc ngo luma:yc jc ngo Abudcm noluk lcgangc kumyc;

JO:N 16:30

Su:pak ngolu kindagjc no appvngcm kindag, odokkc sc:kosin nom tawunam agomko tadpcnam kama:bong; odokki ngolu mc:jvgdagjc no Ru:ncpvnckotokkc gvka.”

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;