JO:N 16:22 - ANU LUGOD N. T. (BSI)

²² Cdcmpila nolukkc su:pak mc:dvrc dung, cmpige:la ngo nolum lckoda ka:begycku odokkc noluk asinkvdv:dc mc:poyc, odokkc sc:kosin nolukkolokkcm mc:podcm la:pakma:yc.

JO:N 16:22 ပူးပေါင်းရင်းမြစ်များ

METIU 28:8

Cdcmpila bulu lomdanna gvkangku agodokkc pcsola odokkc airu:pc mc:pola, odokkc Bvk agom tadjvgla gvmvnnc tani:kvdv:dcm lubikakupc dugla gvkangku.

LU:KKC 10:42

Pa:pcnamdc akkongko. Meri:bv ainc atakdcm balenna la:to, okodcm bvkkolokkcm la:pakkuma:ycji.”

LU:KKC 16:25

“Cmpige:la Abrahambv luto, ‘Awosa mc:pa:langka nok turra du:dagdo no ainc ainc attarcm pa:to, odokkc Lajaru:bv cdcmv:pc aima:nc attarcm pa:to; cmpige:la su:pak bvm so mc:pomotakku, odokkc no su:pak ipusire:ycm pa:dungku.

LU:KKC 19:26

‘Ngo nom lubidung, jc sckkc sckkci du:nc bulumci biyc; cmpige:la sckkc kama:nc, okodc du:nc cdcmsinci la:pakycku.

LU:KKC 24:41

Odokkc ckvdaggom mc:popc mc:jvgtoma:nc, odokkc mcngapla:ma:pc ika:ji, Bv bulum luto, Nolukkc o:kai sc dopcnamko du:nci?”

JO:N 14:1

“Noluk asinkvdv:dcm mc:pinmcngoksuyoka; Ru:tummc mc:jvgtoka, ngomsin mc:jvgtoka.

JO:N 14:19

Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

JO:N 16:16

“Ayir adjio:kobo:mvlo, odokkc nolu ngom ka:begkuma:ycbong; lckoda adjio:koda, odokkc nolu ngom ka:begyc.”

JO:N 16:20

Aroru:pc, aroru:pc, ngo nolum lubidung, nolu kabyc odokkc v:tombangki:la kabyc, cmpige:la rcngamsc mc:poyc; nolu mc:dvryc, ckvdaggom noluk mc:dvrc mc:popc iycku.

JO:N 16:6

Cmpige:la ngok scmbulum nolum lunamki, noluk asinkvdv:dc mc:dvrc bingkang.

JO:N 21:7

Cdc agom tadjvgla gvmvnnc tani:dcm sc:kom Jisubv aipc mc:dagnc Pitormc luto, “Cdc Ru:tumbv:mvn!” Cdvlo Simon Pitorbv tattoji cdc Ru:tumbv cmna, bvk attarcm gclvgsutoku, kapila:nc bv ager gernam lcgangc pvryinsula dungai, odokkc siycng asido:pc sumjvngkang.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

AGER KVDVNG 13:52

Odokkc agom tadjvgla gvmvnnckvdv:dc mc:pola:la Angunnc Yalodc pa:la bingkang.

AGER KVDVNG 16:25

Cmpige:la yumc kvdvsudodo Poulbv:lang Sila:bv Kumna:la Ru:ncpvnckolo:pc ni:tom mola dungai odokkc makana:dok tumnam kvdv:dc buluk monamdcm tadla dungai,

AGER KVDVNG 2:46

Odokkc longgcm longgcm, kumko okumdo lckopc gvkumsunamcm odokkc buluk okumkvdv:do pitangcm penpansula bulu mc:po:pc odokkc asin akko:pc mc:la apincm dobosuto,

AGER KVDVNG 5:41

Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku.

2 KORINTIANGKVDVNG 6:10

opanncmpc innc, ckvdaggom bojcrungcm mircmmonnc; okkosin kama:ncmpc innc, odokkc ckvdaggom appvngc dung.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

HIBRIUKVDVNG 10:34

Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.

HIBRIUKVDVNG 6:18

Bv pesubinamkokki pongkokdo du:bito, odomvlojen angumola:ma:nam attarki, okodokki cdcm ila:mang jc Ru:ncpvncbv lume:yc cmna aropc lcngkanpa:mang, ngolu sc:kobulu dugrasula dungkodo:pc dugsitoji kvnggv:pc lusv:lvgnam mc:motonc ngoluk ka:pc lcngkanpc mc:tindcm motumdopc.

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.