JO:N 16:14 - ANU LUGOD N. T. (BSI)

¹⁴ Bv ngom amincm gvmoyc, kapila:nc Bv okodc ngokkcnc la:yc odokkc cdcm nolum lukanna lubiyc.

JO:N 16:14 ပူးပေါင်းရင်းမြစ်များ

JO:N 14:21

“Sc:kokc ngok kvnggv:pc lulvgnam agom kvdv:dc du:nc odokkc cdcmbulum taddagnc, bv:na ngom aipc mc:ncdc; odokkc sc:kobv ngom aipc mc:dagnc ngok Ba:bukokki ayangkosuyc, odokkc ngo bvm aipc mc:yc odokkc ngo avyc bvm lcngkansuyc.”

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

1 KORINTIANG KVDVNG 12:3

Cdcmpidag ngo nolum mcngkintoka cmna mc:dag jc sc:kosin Ru:ncpvnckc Yalodokki luncdc “Jisumc pelvgnampc ika:langka!” Cmna luma:yc, odokkc sc:kobv:sin Angunnc Yalodokkima:mvlo “Jisubv Ru:tumc” cmna lula:ma:yc.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

GALATIANG KVDVNG 5:5

Kapcnc Yalodokki, mc:jvgki, ngolu dormokanamdcm toya:la toka:la dung.

1 PITOR 2:7

Nolukkcpc cdcmpidag sc:kobulu mc:jvgdagnc, Bv airu:pc arckannc, cmpige:la cdc sc:kobulu mc:jvgma:nc, “Cdc vlvngardcm okodcm okum monckvdv:dc aimang cmna mcpaktonc cdc sungkendok mosa:nancpc ikang,”

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

1 JO:N 5:6

Cdc Bv sc:kobv asikokkilang i:kokki gvkaji, Jisu Kristobv, asso:dokkimang cmpige:la odokkc asidokkilang i:dokki.

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.