JO:N 16:13 - ANU LUGOD N. T. (BSI)

¹³ Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

JO:N 16:13 ပူးပေါင်းရင်းမြစ်များ

JO:N 12:49

Kapila:nc ngok avkc ilang gvlangki ngo agomdcm lumang; Abudc sc:kobv ngom mclvgtagnc Bv avdci ngom lulvgcm lutag okkom lupcnamcji odokkc okko cmpcnammcji.

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 16:12

“Ngokkc ckvdaggom nolum bojcrungko lupcnammc dung, cmpige:la nolu cdcmbulum su:pak torvgsula:mang.

JO:N 3:32

Bv okodcm ka:tonc odokkc tadtonc cdcm lukanbidag, ckvdaggom sc:kosin Bvk lukanbinamdcm torvgsutomang;

JO:N 8:38

Ngo agomcm ludung okodcm ngok Abukokki ka:begdagji, odokkc noluk abudokkcm okkom tattoji cdcm idag.”

AGER KVDVNG 11:28

Odokkc odokbuluk Agabu cmnamkonc dagrobla Yalodokki luno:bito jc mo:pvso bottcru:pc dopa:tv:pa:ma:namko lenyc; odokkc cdcmpc Klaudiukc ayirdo ikang.

AGER KVDVNG 20:23

Angunnc Yalodc ngom nogor appv:lo makana:lo tumnamcmlang ipusire:yc toya:la dung cmna lubinamdcmma:mvlo.

AGER KVDVNG 27:24

no Kaesarkc kcra:do dagsa:ru:pa:yc odokkc ka:toka, Ru:ncpvncbv noluk lcdulo ko:mvnnc appv:dcm tolvgbitung.’

2 TISSALONIANG 2:12

odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.

2 TISSALONIANG 2:3

Nolum sc:komsin yadkosuyoka kapci kapci idaggom; kapcnc cdc longcdc pvnga:ma:yc, mimag monamdc pvnga:ma:sisscm a:pongarpc, odokkc lujvgluro kama:nc tani:dc lenma:sisscm,

HIBRIUKVDVNG 1:1

Bojcru:lo odokkc angu angu lambcki Ru:ncpvncbv lekelokkcbong ngoluk abukvdv:dcm lungor lunckvdv:dokki luto;

1 JO:N 2:20

Cmpige:la nolu Angunnc Akodokki yontobong, odokkc nolu appvngc kindag.

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 5:6

Cdc Bv sc:kobv asikokkilang i:kokki gvkaji, Jisu Kristobv, asso:dokkimang cmpige:la odokkc asidokkilang i:dokki.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

LUNGOR LUNAM 1:19

Su:pak okodcm ka:begtoji attok, okodc:ji odokkc okodc sok lcdudo lenycji.