JO:N 15:7 - ANU LUGOD N. T. (BSI)

⁷ Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

JO:N 15:7 ပူးပေါင်းရင်းမြစ်များ

METIU 7:7

“Kotoka, odokkc cdcm nolum biycpc; matoka, odokkc nolu pa:yc; piku:toka, odomvlo nolu moge:biycpc.

JO:N 14:13

Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

JO:N 16:23

“Odo longckvdv:do nolu okkomsin ngokkolokkcm ma:ma:yc. Aroru:pc, aroru:pc ngo nolum lubidung, nolu atvko Abudokkcm mamvlo, Bv cdcm ngok aminno biyc nolum.

JO:N 8:31

Jisubv odo Jiwukvdv:dcm luto sc:kobulu mc:jvgtoji,

JO:N 8:37

Ngo kindag nolujc Abrahamkc opvnc cmna; ckvdaggom nolu ngom mokepc cmna mago:dag, lcga:dc ngok agomc nolukkolo dungkoko pa:mang.

GALATIANG KVDVNG 4:2

Ckvdaggom bv ka:sv:-mosv:ncdoklang kanggabya:nc abudc longc ayirdcm bima:sisscm.

GALATIANG KVDVNG 5:16

Cmpige:la ngo ludung, Yalodokki lambcm gvtoka, odokkc amvrdok mcngkamkvdv:dcm mc:lvgsumoyoka.

KOLOSIANG 3:16

Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila.

1 JO:N 2:14

Ngo nolukkolo:pc addung abukvdvnga, lcga:dc nolu kindag sc:kobv dunga: dokkcbong du:ji. Ngo nolukkolo:pc addung, ya:me:kvdvnga, lcga:dc nolu kvnggv:dag, odokkc Ru:ncpvnckc gomugdc nolukkolo du:mvndag, odokkc nolu aima:ncdcm mopvto.

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

1 JO:N 3:22

odokkc ngolu Bvkkolokkcm okodcmci kodoji Pa:do, lcga:dc ngolu Bvk lujvg lulvgkvdv:dcm lukamdcmpc gagla du:do odokkc okodc Bvm mc:lvgsumodagji.

1 JO:N 5:14

Odokkc sc:na mc:tinna mc:namdc okodc Bvkkolo ngolukkc du:nc, jc jodi ngolu atvko tawuyc Bvk mcngkampc Bv ngolum taddag.