JO:N 15:6 - ANU LUGOD N. T. (BSI)

⁶ “Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

JO:N 15:6 ပူးပေါင်းရင်းမြစ်များ

METIU 7:19

Ainc a:yc e:ma:nc vsvng appv:dcm tc:tapdo odokkc vmvlo cra:lvgla rompakdo.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

METIU 13:41

Tani: Awodc Ru:nckc lutad lunckvdv:dcm mclvgyc, odokkc bulu Bvk migom mo:pv appvng du:tc:lokkcm appvng imur lcgangcm odokkc aima:nc ager gernckvdv:dcm langkumsuyc,

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

HIBRIUKVDVNG 10:27

cmpige:la pcsoru:pcnam kcbang bangkupcnamko dung, odokkc vmvdok dornamko okodc aisi:ma:nc agerdcm gerncdcm ugpakyckuji.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

METIU 27:5

Odokkc murkong apirkvdv:dcm kumko okumdo cra:lvgge:langkula, bv gvpakkangku; odokkc bv gvla av avdc okkesula sipakkang.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”