JO:N 15:21 - ANU LUGOD N. T. (BSI)

²¹ Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

JO:N 15:21 ပူးပေါင်းရင်းမြစ်များ

METIU 10:18

Odokkc ngok lcgangc bulu nolum amo:ru:tumkvdv:do:pc odokkc buluk migomkvdv:do:pc soa:bomyc, buluk kcra:lo odokkc angu tani:kvdv:dok kcra:lo lubisudopc.

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

METIU 10:39

Sc:kobv turnamdcm pa:dagnc bv cdcm yogmoyc, odokkc sc:kobv ngok lcgangc turnamcm yogmoycnc bv cdcm pa:yc.

METIU 24:9

“Odo bulu nolum mc:dvr-mc:so:dopc imoyc, odokkc mokeyc; odokkc ngok amindok lcgangc appvng opvnc nolum tayumyc.

METIU 5:11

“Nolum aipc luitpcnamc cdclo tani:kvdvngc nolum ngok lcgangc luka:la luycnc, ipusire:la iycnc odokkc lume:pc appvng aima:nc agomcm jc:la luycnc odo.

MARKKC 13:13

Odokkc nolum appvngc tayumyc ngok lcgangc. Ckvdaggom sc:kobvi mentumsula du:ycnc bv turyc.

LU:KKC 21:12

Ckvdaggom sc appv:sok po:pc bulu nolum alagcm pigabla nolum irvsinyyom ingapyc, nolum kumko okumkvdv:do togcngamlvgla odokkc makanang kvdv:do, odokkc nolum migomkvdv:dok kangkolo soangbomyc odokkc amo:ru:tum kvdv:dok kcra:lo ngok amin lcgangc.

LU:KKC 21:17

noluk appvngcm ngok amin lcgangc tayumyc.

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

JO:N 8:19

Bulu Bvm cdcmpila tawuto, “Okolon nok Abudc?” Jisubv lubito, “Nolu ngomba: ngok Abudcmba: kinmang; nolu ngom kinya:mvlo, nolu ngok Abumcsin kinya:pc.”

JO:N 8:54

Jisubv lubito, “Ngo avyc amincm gvmosumang, ngok amin gvnamdc okkosinmang, cdc ngok Abudc:mvn sc:ko ngom amin gvmotoji, sc:kobvm noluk Ru:ncpvncbv cmdu:ji.

JO:N 8:55

Cmpige:la nolu Bvm kintomang; ngo Bvm kindag. Ngo Bvm kinmang cmna, ngo lumvlo, ngo nolugvngkcmpc lume: luncpc iyc; ckvdaggom ngo Bvm kindag odokkc ngo Bvk agomkvdv:dcm lukamdcmpc ido.

AGER KVDVNG 17:23

Kapcnc ngo gvgo:la gvnamc odokkc noluk kumnam attarkvdv:dcm ka:namc, ngo scmpc adnam kumgcngko gvpa:suto, ‘Kinma:nam Uikolo:pc.’ Nolu cdcmpila okodcm kinma:pc kumdonc, cdcm ngo nolum lutadbidung.

AGER KVDVNG 26:9

“Ngo avycsin mc:sudungai jc Najaretdok Jisukc amindcm birudi:pc ngo ipcnammc.

AGER KVDVNG 3:17

“Odokkc su:pak, bvrokvdvnga, nolu kinma:la agercm ito, noluk migomkvdv:dc:sin imvnnamdcmpc.

AGER KVDVNG 4:17

Cmpige:la tani:kvdv:dok ara:lo cdc odokkc cmpcsin tadbu: ma:dopc kajc bulum sc aminsok agomcm ludanyobong cmna bulum lutadlai.”

AGER KVDVNG 5:41

Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku.

AGER KVDVNG 9:14

odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

ROMANKVDVNG 1:28

Odokkc Ru:ncpvncmc bulu arro cmna ka:tomang, Ru:ncpvncbv bulum mcngkinma:nam asinno:pc tolvgto odokkc aima:nc inamgvnamlo:pc.

1 KORINTIANG KVDVNG 15:34

Noluk yvgcmnc asindo:pc mc:toka, odokkc lckoda pa:bcm iyobongka. Kapila:nc akelokkc Ru:ncpvnckc kinnam agom kamang. Ngo scm nolum anyi:sudopc ludung.

1 KORINTIANG KVDVNG 2:8

Cdcm sc rcngam ayirsok migom donc akosin mcngkintomang; kapila:nc bulu kinya:mvlo, bulu amin gvnc Ru:tummc Kuruslo pvtkema:ya:pc.

2 TISSALONIANG 1:8

bulum palvgcm lvgla cdcmbulum sc:kobulu Ru:ncpvncmc kinma:ji odokkc cdc sc:kobulu ngoluk Ru:tum Jisukc tadponc lutaddcm lukamdcmpc tadma:ji.

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

3 JO:N 1:7

Kapcnc bulu Bvk lcgangc gvrobka:bong odokkc lc:sula du:nckvdv:dokkcm okkomsin torvgsutoma:bong.

LUNGOR LUNAM 2:3

ngo kindag no aso:pc dunggcla odokkc ngok amin lcgangc asinc mcnga:tvla du:namdcm mentumsula dung, odokkc no gerdvr-gersongmang.