JO:N 15:2 - ANU LUGOD N. T. (BSI)

² Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 15:2 ပူးပေါင်းရင်းမြစ်များ

METIU 13:12

Kapila:nc sckkc du:nc bvm bojcyangko biyc, odokkc pv:namrungkopc pa:yc; ckvdaggom sckkc kama:nc bvkkc okodc du:nc cdcmsinci la:pakycku.

METIU 13:33

Bv kvkanbila kvnam do:yvng akoda bulum kvbito. “Taycng among migomkc du:tcng mo:pvdc go:sa:bonc komirangcmpc idag okodcm nc:ng akonc la:to odokkc du:n pvwumko vdupnam pitang ara:lo kulupla lc:to, cdc go:sangamma:sisscm.”

METIU 15:13

Bv lubito, “Ngok Taycng among Abukc lema:nam sa:lennc vsvng amvng appv:dcm bupakycku

METIU 21:19

Odokkc lambc ru:yido tajvg vsvng amvngko ka:begsula:yam Bv odopc gva:to, odokkc okkomsin pa:tomang cmpige:la annongc dungai. Odokkc Bv cdcm luto, “Nokkolo cdvlosin lckoda a:yc e:mangka:langka!” Odokkc cdc tajvg vsvng amv:dc oddung sanangkang.

METIU 25:29

Kapila:nc sc:ko sc:kokci du:nc bvmmci bojcyangko biyc, odokkc bvkkc bojcru:yangkopc iyc; cmpige:la sckkc kama:ycnc, okodc du:nc cdcmsinci la:pakyc.

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.

METIU 3:12

Bvk kappunanc cpodc Bvk alakdo dung, odokkc Bv Bvk a:m yvkko lottadcm mopu:yc odokkc Bvk geu a:mkvdv:dcm kumsu:lo yarkumsuyc, cmpige:la amyangkvdv:dcm Bv cdvlosin momitla:ma:nam vmvlo romyc.’

METIU 7:19

Ainc a:yc e:ma:nc vsvng appv:dcm tc:tapdo odokkc vmvlo cra:lvgla rompakdo.

MARKKC 4:20

Cmpige:la cdc ainc amo:do pidnamkvdv:dcbuluna sc:kobulu agomdcm taddagnc odokkc cdcm torvgsudag odokkc a:ycm e:dag, vyvng awumkopc odokkc vyvng akkcngko odokkc lvngkokopc.”

LU:KKC 8:13

Odokkc vlvngtayc:dok dcnga:nckvdv:dc cdcbulu, cdvlo bulu agomdcm taddagnc, mc:po:pc cdcm torvgsudag; cmpige:la odokbulu:kkc appvrc kamang, asudowwongko bulu mc:jvgdag odokkc ankang kangkvdo ayirro bulu mcpakdag.

JO:N 15:1

“Ngo:na aro angur amv:dc, odokkc ngok Abubv:na angur arvg incdc.

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

JO:N 15:3

Nolum ngok lubinam agomkvdv:dokki narcngcimotobong.

JO:N 15:6

“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

JO:N 15:8

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

JO:N 17:12

Ngo buluk lcdulo du:doscm, nok aminno ngo bulum lc:do, okodcm ngo nok aminno bitu:ji; ngo bulum ka:sv:bomto, odokkc bulukkolok akosin yogtomang cmpige:la aima:pc ila singapnc ommang kvdv:dc:ma:mvlo, jc astrong agomdc aropc iycpc cmna.

ROMANKVDVNG 11:17

Cmpige:la rcngke:kvdv:dok akke dvrsodamkang, odokkc nolusin, yumrang Jolpai oiyinnc, Jolpai vsvng amv:dokkcm mitcmircmdcm pa:mvnsupc cmna pasotge:la ilvgto, rcngke:kvdv:dcm pa:la bottapc lusuyok.

ROMANKVDVNG 11:22

Mcnggabtok cmpcmvlo Ru:ncpvnckc ayangabodcmnang tornamdcm: sc:kobulu oletkanc bulukkolo:pc tornamdcm, cmpige:la Ru:ncpvnckc asin rcmaknamdcm nolukkolo:pc, cdcsin nolu Bvk asin rcmaknamdo du:tvmvlopak; ckvma:mvlo nolumsinci papakyc.

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

1 KORINTIANG KVDVNG 13:1

Ngo jodi tani:kvdv:doklang taycng lutad lunckvdv:dok agomkokki agomcm luyc, ckvdaggom aipc mc:namc kama:yc, ngo bc:la du:nc bottcnc arcm aborko cdcmanggom tubla bc:nc lu:pe.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

HIBRIUKVDVNG 12:15

Ka:toka cdcm jc sc:kobv:sin Ru:ncpvnckc aya:pc mc:namdcm pa:ma:pc ipc lagimang; jc oko “Konc appvrcsin” pvrsa:pc odokkc ipu sire:lok lcga:pc imopc lagimang, odokkc odokki bojcrungc napvnarc:ma:pc idag;

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

LUNGOR LUNAM 3:19

Cdc sc:kobulum ngo aipc mc:dagnc, ngo mogvtmomatdo odokkc dcmdo; cdcmpidag kvnggv:pc mcnga:la gertoka odokkc asinc mc:dvrra mc:latsutokuka.