JO:N 15:19 - ANU LUGOD N. T. (BSI)

¹⁹ Nolu rcngamsokka:mvlo, rcngamsc avkcdcm aipc mc:ya:pc; cmpige:la nolu rcngam sokkcma:la:yam, cmpige:la rcngamsokkcm ngo nolum balenna:yam, cdcmpila:yam rcngamsc nolum tayumdag.

JO:N 15:19 ပူးပေါင်းရင်းမြစ်များ

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

METIU 24:9

“Odo bulu nolum mc:dvr-mc:so:dopc imoyc, odokkc mokeyc; odokkc ngok amindok lcgangc appvng opvnc nolum tayumyc.

LU:KKC 6:32

“Nolum aipc mc:nong kvdv:dcm nolu aipc mc:mvlo, nolu okodcm pa:ycn? Kapila:nc papi:kdv:dci bulum aipc mc:nckvdv:dcm aipc mc:dag.

JO:N 13:18

“Ngo noluk appv:dok agomcm lumang; ngo kindag sc:kom balentagji; cdc lujvgluro adnam potindok lukampc iycpc cmna. ‘Sc:kobv ngok pitangcm dotonc bvk alc lcddom ngok lukamdcmma:pc ke:sa:to.’

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

JO:N 6:70

Jisubv bulum lubito, “Ngo nolum bala balenmangalang, vyvngkolang anyidcm, odokkc nolukkolo akonc uiyc?”

JAKOB 4:4

Mc:jvg kama:nc ru:namkvdv:nga! Nolu kinma:nci jc rcngamsokki ajon jonnamdc Ru:ncpvnckokki mirupc imvnsunamc cmna? Cdcmpidag sc:kobvi rcngamsokki ajonpc jonpc mc:donc avdc bv Ru:ncpvnckc mirupc mosudo.

1 PITOR 4:3

Cdc gvpaknc ayirdcm cdc pvngka:bong okodcm Ru:ncmc kinma:nc tani: kvdv:dc ilv:dagaji, ka:bomc:boge:la aglvngc sa:namkvdv:dc, tvngvrdowursunamc, tvngvrsula madgo:nammc, tv:la jcnggumnammc, odokkc lujvgluro lunam kama:pc monam moimang kumnamc.

1 JO:N 3:12

odokkc Kainkcmpc ipcnammang sc:kobv aima:ncdokka:nc odokkc bvk bvrodcm mokesutonc. Odokkc kapila bv bvm moketon? Lcga:dc bvk avkc agergvdv:dc aimangai odokkc bvk bvrodokkcdc dormokadagai.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.