JO:N 15:10 - ANU LUGOD N. T. (BSI)

¹⁰ Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

JO:N 15:10 ပူးပေါင်းရင်းမြစ်များ

JO:N 10:18

Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”

JO:N 12:49

Kapila:nc ngok avkc ilang gvlangki ngo agomdcm lumang; Abudc sc:kobv ngom mclvgtagnc Bv avdci ngom lulvgcm lutag okkom lupcnamcji odokkc okko cmpcnammcji.

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

JO:N 14:21

“Sc:kokc ngok kvnggv:pc lulvgnam agom kvdv:dc du:nc odokkc cdcmbulum taddagnc, bv:na ngom aipc mc:ncdc; odokkc sc:kobv ngom aipc mc:dagnc ngok Ba:bukokki ayangkosuyc, odokkc ngo bvm aipc mc:yc odokkc ngo avyc bvm lcngkansuyc.”

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

JO:N 14:31

Ckvdaggom ngo Abudc kvnggv:pc agom lukampc ido, odomvlojen mo:pvsc ngo Abudcm aipc mc:dag cmna kinycpc. Darobtoka, kajc sokkc gvkangkuboi.

JO:N 17:4

Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;

JO:N 4:34

Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

JO:N 8:29

Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”

JO:N 8:55

Cmpige:la nolu Bvm kintomang; ngo Bvm kindag. Ngo Bvm kinmang cmna, ngo lumvlo, ngo nolugvngkcmpc lume: luncpc iyc; ckvdaggom ngo Bvm kindag odokkc ngo Bvk agomkvdv:dcm lukamdcmpc ido.

1 KORINTIANG KVDVNG 7:19

Bvm gadpuknammcm mamoyoka. Kaila:nc gadpuknamdc:sin atvkosin kvtc:mang cdcmanggom gadpukma:namdc:sin, cmpige:la Ru:ncpvnckc kvnggv:pc lulvgnamdc.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

2 PITOR 2:21

Kapcnc bulukkcpc cdvlosin kinma:yamvlo cdc aiya:ya:pc cdc dormokanamdok lambcdcm cdc cdcm kinge:la:sin bulum angunnc lulvgcm lunamdokkc gvlatkunamdcmpcyam.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

1 JO:N 2:5

Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.

1 JO:N 5:3

Kapcnc cdcna Ru:ncpvnckc aipc mc:namdc, jc ngolu Bvk lulvg lunam kvdv:dcm gagdo. Odokkc Bvk lulvg lunam kvdv:dc jo:la:ma:pc inammang.

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.