JO:N 14:7 - ANU LUGOD N. T. (BSI)

⁷ No ngom kinya:mvlo, no ngok Abudcmsin kinya:pc; su:pakkolokkc nolu Bvm kindagbong odokkc Bvm ka:tobo:sin.”

JO:N 14:7 ပူးပေါင်းရင်းမြစ်များ

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

JO:N 17:26

Ngo nok amincm bulum kinmoto, odokkc ngo cdcm kinma:yc, jc no oko aipc mc:namdokki no ngom aipc mc:tonc bulukkolo:jen du:ycpc, odokkc ngo bulukkolo du:mvnycpc.”

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 17:6

“Ngo nok amincm lcngkanambitobong oko tani:kvdv:dcm no ngom mo:pvsokkcm bitu:ji; nokkolo bulu dunggai, odokkc no bulum ngom bitu:bong, odokkc bulu nok agomcm mcnggabto.

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 6:46

Sc:kobv Ru:ncpvnckotokkc mclvgnammcnc bv:ma:mvlo sc:kosin Abudcm kangkvmang; Bv Abudcm kangkvtak.

JO:N 8:19

Bulu Bvm cdcmpila tawuto, “Okolon nok Abudc?” Jisubv lubito, “Nolu ngomba: ngok Abudcmba: kinmang; nolu ngom kinya:mvlo, nolu ngok Abumcsin kinya:pc.”

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

1 JO:N 2:13

Ngo nolukkolo:pc addung, abukvdvnga, lcga:dc nolu Bvm kindag sc:kobv lendoa:do dokkcbong du:ji. Ngo nolukkolo:pc addung, ya:me:kvdvnga, lcga:dc nolu aima:ncdcm mopvto. Ngo nolukkolo:pc addung, ko:kangkvdvnga, lcga:dc nolu Abudcm kindag.