JO:N 14:27 - ANU LUGOD N. T. (BSI)

²⁷ “Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

JO:N 14:27 ပူးပေါင်းရင်းမြစ်များ

PILIPIANG KVDVNG 4:7

Odokkc Ru:ncpvnckc mcngandc, okodc appvng mcngkinammcm gvkurra gvdagnc, noluk asincmnang noluk mc:namcm Kristo Jisukolo lc:ycpc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

2 TISSALONIANG 3:16

Su:pak mcngandok Ru:tumbv avdc nolum mcngancm lo:dv ayirlo appv:lo bika:langka. Ru:tumbv noluk appv:lo dungka:langka.

KOLOSIANG 3:15

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

2 TIMOTI 1:7

Kapcnc Ru:ncpvncbv ngolum pcsonc yaloko bimangai cmpige:la ilang-gvla:nc yaloko odokkc aipc mc:namc odokkc avycm mentumsula du:namko.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

ROMANKVDVNG 8:6

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

GALATIANG KVDVNG 1:3

Nolukkolo:pc ayangc odokkc Ru:ncpvnckolokkc Abudokkc mcnganc odokkc ngoluk Ru:tum Jisu Kristokolokkc,

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

ROMANKVDVNG 5:1

Cdcmpila:yam, ngolum mc:jvgkokki ainc cmana lunamkokki, ngolukkc ngoluk Ru:tum Kristokokki Ru:ncpvnckolo mcnganc dung.

JO:N 14:1

“Noluk asinkvdv:dcm mc:pinmcngoksuyoka; Ru:tummc mc:jvgtoka, ngomsin mc:jvgtoka.

ROMANKVDVNG 5:10

Kapila:nc cdvlo ngolu mirua:ji ngolu Ru:ncpvnckolo lckotokubong Bvk awodok sinamdokki, airu:pc bojcya:pc, ngolu jc lckotokubong, Bvk turnamdokki ngolum moturyc.

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

KOLOSIANG 1:20

Odokkc Bvkkokki appvng attarcm lckomolv:dagku, mo:pvso:daggom cdcmanggom taycngamo:to, Bvk Kurusdok i:dokki mcnganmola.

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

1 KORINTIANG KVDVNG 1:3

Nolukkolo:pc ayangc odokkc Ru:ncpvnc ngoluk Abukotokkc mcnganc odokkc Ru:tum Jisu Kristokolokkc.

JO:N 20:19

Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

2 TISSALONIANG 1:2

Ayangc nolukkolo odokkc mcnganc Ru:ncpvnc Abudokkc odokkc cdc Ru:tum Jisu Kristokolokkc.

AGER KVDVNG 10:36

Israelkvdv:pc oko agomcm mclvgtagji nolu kindag, Jisukokki mcngannok tadponc do:yv:dcm lutad lugo:bila (Bv appv:lok Ru:tumc,)

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”

LU:KKC 1:79

Kcmolo odokkc siko ugyumlo tedla du:nckvdv:dcm pvangcm bikapc, ngoluk alckvdv:dcm mc:pola dungkolo gvbodopc.”

HIBRIUKVDVNG 13:20

Su:pak mcngannok Ru:ncpvncbv sc:kobv ngoluk Ru:tum Jisumc sikolokkcm la:sa:tokunc me:r sobennok bottcru:nc kanggabya:ncdc, lo:dv-longkvpc du:nc lugoddok i:dokki,

AGER KVDVNG 18:9

Odokkc Ru:tumbv Poulmc luto yumckoncm kangor ka:namkolo, “Pcsoma:pcka, agomcm lutok odokkc aso:pc du:yoka;

METIU 10:26

“Cdcmpidag bulum pcsoyok; kapila:nc okkomsin takkomla lc:mang okodcm la:lenna lcngkanma:ycnc, cdcmanggom kinma:nammcm kinma:pc du:ma:ycpc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

HIBRIUKVDVNG 7:2

odokkc bvm Abrahambv appv:lok vyvngdok ornamko bito. Bv ipong gvpongarnc, bv amindcm angupc minnampc ila, dormokanclok migompc ila, odokkc odo bv Salemdoksin migompc ikang, cdcyam, mcngannok migomc.

JO:N 20:26

Pi:nyi longc lcdulo, Bvk agom tadjvgla gvmvnnc kvdv:dc lckoda odo okumdo dungai, odokkc Tomabv buluk lcdulo du:tc:dungai, cmpige:la Jisubv gva:la buluk pongkokdo dagmvnto, odokkc luto, “Nolukkolo mc:po mcnganc dungka:langka.”

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

GALATIANG KVDVNG 6:16

Mcnganclang mc:yinsula aya:namdc cdc appv:do dungka:langka sc:kobulu sc lujvgsokki lambc gvdoji, Ru:ncpvnckc Israeldo.

LU:KKC 10:5

Oko okumnoi nolu gva:donc, luangarpo:la, ‘Sc cra:sc mc:pomcnganka:langka!’ Cmna lulang:

KOLOSIANG 1:2

Aipc kumnc tani:kvdv:do:pc odokkc Kolosiangkvdv:dok Kristokolo mc:jvg jvrvgnc bvrokvdv:dc: Nolukkolo:pc aya:pc mc:namc odokkc ngoluk Abu Ru:ncpvnckolokkc mcnganc.

LU:KKC 12:4

“Ngok ajonkvdvnga, ngo nolum lubidung, amvrcm sc:kobulu mokedagnc bulum pcsoyoka, odokkc bulujc okkomsin ila:ma:nc.