JO:N 14:26 - ANU LUGOD N. T. (BSI)

²⁶ Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

JO:N 14:26 ပူးပေါင်းရင်းမြစ်များ

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 14:16

Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

JO:N 16:7

Cdcmpidaggom imanggom ngo nolum lubidung: Cdc nolukkcpc idag jc ngo gvdagku, kapila:nc ngo gvkumvlo, Luyirncdc nolukkolo:pc gvyc; cmpige:la ngo gvkumvlo, Bvm ngo nolukkolo:pc mclvgbiyc.

1 JO:N 2:20

Cmpige:la nolu Angunnc Akodokki yontobong, odokkc nolu appvngc kindag.

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

AGER KVDVNG 2:4

Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

JO:N 2:22

Cdcmpila cdvlo Bvm sikolokkcm turmokakuji, Bvk agom tadjvgla gvmvnnc tani:kvdv:dc Bv cdcm luka cmna mc:pa:toku; odokkc bulu Jisubv oko agomdcm lukaji odokkc Ru:nckc agom jvggabdcm mc:jvgto.

AGER KVDVNG 13:2

Bulu kumna odokkc doma:tvma:pc du:dom, Angunnc Yalodc luto, “Ngok lcga:pc Barnaba:mclang Soulmc langutei oko ager lcgangc bulum ngo gogtu:ji.”

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 JO:N 5:7

Odokkc Yalodc lukanbinamc, lcga:dc Yalodc:na arodc.

TITUS 3:5

ngoluk dormokanam ngoluk ainc ager gernamong kokkimang, cmpige:la Bvk avkc mc:yinsunam aipc mc:jongkokkimvn, opvnkvdv:dcm vrpu:namdokki odokkc Angunnc yalodokki anumonamkokki,

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

JU:D 1:20

Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

HIBRIUKVDVNG 9:8

Sokki Angunnc Yalodc lukanbbidag jc kumko mo:takdo:pc gvko lambcdcm moge:ma:da mo:rongkc tombudc du:tvla du:do appv:do (okodc silokc dv:tak kvdv:sokkcpc lcngkan kanggodcji.)

HIBRIUKVDVNG 3:7

Cdcmpidag, Angunnc Yalodc kapc ludagji, “Silo, cdvlo nolu Bvk gomugcm taddonc,

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

1 KORINTIANG KVDVNG 12:3

Cdcmpidag ngo nolum mcngkintoka cmna mc:dag jc sc:kosin Ru:ncpvnckc Yalodokki luncdc “Jisumc pelvgnampc ika:langka!” Cmna luma:yc, odokkc sc:kobv:sin Angunnc Yalodokkima:mvlo “Jisubv Ru:tumc” cmna lula:ma:yc.

2 PITOR 1:21

kapcnc oko lungor lunam agomcsin tani:lok avkc asin mcngkampc lenmang, cmpige:la tani:kvdv:dc Angunnc Yalodokki mowula Ru:ncpvnclokkc luto.

LU:KKC 11:13

Nolu cdcmpcmvlo, sc:kobulu aima:nc, noluk ommangkvdv:dcm kapc ainc amancm bipcnammcji kindo, cdcm cddvko bojcya: pc taycng among Abubv Angunnc Yalodcm sc:ko koycnc bvm biycnc!”

ROMANKVDVNG 15:16

kapila:nc Ru:ncpvnckc ngom binam ayang abodokki Jisu Kristokc migom ager gerncpc idopc Angu tani:kvdv:do:pc Ru:ncpvnckc tadponc lutaddok kumnam ager gernc tani:kvdv:dok gernam agerki, odomvlo ja:te Angu tani:kvdv:dok binamdc, Angunnc yalodokki narc:mola torvgsuycpc.

LU:KKC 1:41

Odokkc Elijabetbv Meri:kc kumrvgsunamdcm tadbegnammci, bvk aki:ara:bok ko:dc sumcsumkurkang;

METIU 3:11

‘Ngo nolum asin mc:dvrra mclatsukunam lcgangc baptismongcm bidung, cmpige:la sc:kobv ngok lcdupc gvmvndu:nc ngomyam tornam kaya:dag, sc:kokc panoti:ycm ngo jo:pci ainckomang; Bv nolum Angunnc Yalodokki odokkc vmvkokki baptismongcm biyc.

HIBRIUKVDVNG 2:4

cdvlo Ru:ncpvncbv:sin lcnggodkokki lukanbitoji odokkc mcngapla:manam agerkokki odokkc Angunnc Yalodok amancm Bvk mcngkampc binamdcmpc.

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

ROMANKVDVNG 14:17

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc;

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

AGER KVDVNG 11:16

Odokkc ngo Ru:tumkc agomdcm mc:pa:toku, kapc bv lukaji, ‘Jo:nbv asilo baptismongcm bika, cmpige:la nolum Angunnc Yalodokki baptismongcm biyc.’

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

JO:N 20:22

Odokkc Bv cdvlo cdcmpc lutonc, Bv bulum ngalvgla luto, odokkc bulum luto, “Angunnc Yalodcm torvgsutoka.

JO:N 6:45

Cdcm lungorlunam kvdv:do adla lc:tag, ‘Odokkc bulum Ru:ncpvnc kokki luyircm lubiyc.’ Sc:kobv Abudokkcm tadla tadyirsutonc ngokkolo:pc gva:dag.

MARKKC 13:11

Odokkc cdvloi bulu nolum kcba:lo soabomycnc odokkc nolum topakycnc, nolu okkom lupcnammcnc mcngkesula siyoka; cmpige:la odo ayirdo okkomci biycji cdcmci lulangka, kapila:nc cdc luncdc nolumang, cmpige:la cdc Angunnc Yalodc.

METIU 1:20

Cmpige:la bv cdcmpc mc:dodcm, ka:toka Ru:tumkc taycng among lutad lunckonc ma:nyi:bo bvm lcngkansuto, scmpc lula, “Juseba, Dawidkc aowa, nok nc:ng Meri:mc la:pcnamdcm pcsoyok, kapila:nc bvk amvrro du:bomnamdc Angunnc Yalodokkc

HIBRIUKVDVNG 10:15

Odokkc cdc Angunnc Yalodc:sin ngolum lukanbidag; kapcnc scmpc luge:la,

JO:N 12:16

Bvk agom tadjvgla gvmvnnc tani:kvdv:dc cdcm tada:danna tadkintomang; cmpige:la Bvm cdvlo Jisumc amin gvmotonc, odo bulu mc:patoku jc cdc Bvk agomcm adtungai odokkc Bvm gerbito.

MARKKC 12:36

Dawidbv avdc, Angunnc Yalodokki lula:nammcm pa:la, lulento: ‘Ru:tumdc ngok Ru:tummc luto Ngok lagbvk alakpc tedtoka Nok mirukvdv:dcm alckcvgbo lcngap-ma:sisscm.’

LUNGOR LUNAM 2:11

Sc:kokc yerungc du:ji, bvm tadmotoka okodcm Yalodc mondoli:dcm ludagji. Sc:kobv mopvdoji lckon sinamdokki sikuma:yc.

IPESIANG KVDVNG 1:13

Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

2 KORINTIANGKVDVNG 6:6

Napv-narcngkokki, kinnamkokki, menya:sula du:namkokki, asin aya:pc mc:namkokki, Angunnc Yalodc, narc:pc:sc:nc ayangc, aropaknc agom lunamc, odokkc Ru:ncpvnckc tornamdc;

AGER KVDVNG 20:35

Cdc appvng agerdo ngo nolum lcngkanto jc cdcm ager gertu:la akonc opanncdcm ka:dumsupa:ru:do, Ru:tum Jisukc agomkvdv:dcm mc:pa:la, kapc Bv lutoji, “Torvgsunamdcmyam binamdc ayang pa:ya:nammc.”

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

AGER KVDVNG 7:51

“C:i lv:pong vyodla:ma:nc tani:kvdvnga, asina:ngcmna yerung kvdv:dcm gadpukma:namkvdvnga, nolu lo:dvscm Angunnc Yalodcm motumdag. Noluk abukvdv:dc kapc ikaji, nolusin idag.

AGER KVDVNG 1:4

Odokkc odo buluk lcdulo du:dodcm Bv bulum Jerusalemdcm mcge:la gvpakma:dopc luto, cmpige:la Abudok pesubinamdok lcgangc toya:la du:dopc luto, okodcm, Bv luto,

AGER KVDVNG 1:2

cdvlo Bvm tayc:pc la:sa:tokunc odo longcdo:pc, Bv Agunnc Yalodokki lulvg luge:la Bv sc:kobulum balentagaji mclvgnam ager gernckvdv:dcm.

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

LU:KKC 3:22

odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

LU:KKC 1:67

Odokkc bvk abu Jakaria:bv Angunnc Yalodc gagla, odokkc lungorcm luto, scmpc lula,

LU:KKC 1:35

Odokkc taycng lutad luncdc bvm luto, “Angunnc Yalodc nom pa:yc, odokkc Tayc:rungyankotok owudya:nardok ilang-gvlang ugyumdc nom vgtidyc. “Cdcmpidag cdc opcnam ko:dcm angunnc cmna luyc, “Ru:ncpvnckc Awodc cmna.

LU:KKC 1:15

Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

AGER KVDVNG 28:25

Cdcmpila, buluk arangv:dok tolvgmvnsuma:namc, bulu gvpakkangku, Poulbv agom lugodko luto: “Angunnc Yalodc noluk abukvdv:dcm lunamdc lugabdagai Isaia: lungor lunckokki lunamdc:

AGER KVDVNG 16:6

Odokkc bulu Pirgiangclang Galatiang mo:takvkvdv:do gvgo:to Asiado agomdcm lubinamdcm Angunnc Yalodokki lutumla:yam.

AGER KVDVNG 15:28

Kapila:nc Angunnc Yalodokkcpc odokkc ngolukkcpc noluk tayc:lo scmbulumyam oko bottaya:nc jo:namcsin jonggcmlvgla:ma:dopc:

AGER KVDVNG 13:4

Cdcmpc Angunnc Yalodokki mclvgla:yam, bulu Selusia:pc gvto; odokkc bulu Sipru:pc ko:to.

AGER KVDVNG 7:55

Cmpige:la bv, Angunnc Yalodokki pvnamkopc pa:la, taycngto:pc ka:sa:to odokkc Ru:ncpvnckc ungjv:cm ka:begto, odokkc Jisumc Ru:ncpvnckc lagbvkpc dagla du:dopc ka:to;

AGER KVDVNG 5:3

Cmpige:la Pitorbv luto, “Ananianga kapila Satandc nom asindcm Angunnc Yalodcm lume:ycm lunamdcm bi:moton odokkc among kola pa:namdok akkem la:tumla lc:moton?

LU:KKC 2:25

Odo Jerusalemdo tani:ako dungai, Simion cmnamko, odokkc cdc tani:dc dormokanckai odokkc Ru:ncpvncmc kumnckai, Israeldcm mc:pomonamdcm ka:lv:la dungai, odokkc Angunnc Yalodc bvkkolo dungai.

METIU 1:18

Jisu Kristomc scmpc oto. Cdvlo Bvk anc Meri:mc Josepkcpc tadpvrtonc, bvnyi lckopc du:bosuma:dapci bvm Angunnc Yalodokki ko:ko amvrro dung cmna kinto;

JO:N 1:33

Ngo avycsinci Bvm kinmangai; cmpige:la sc:kobv ngom asilo baptismo bita:ka cmna mclvgtonc ngom luto, ‘Bv sckkc tayc:lo Yalodcm dcnggabla du:dopc ka:begycji, sc:na Bv sc:ko Angunnc Yalokokki Baptismo Bincdc.’

JO:N 14:25

“Sc agomkvdv:scm ngo nolum lubitu:bong, ngo noluk lcdulo du:mvnna du:du:scm.