JO:N 14:24 - ANU LUGOD N. T. (BSI)

²⁴ “Sc:kobv ngom aipc mc:ma:ji ngok agomcm tadgabla lc:mang; odokkc noluk tadnam gomugkvdv:dc ngokkcmang cmpige:la cdc Abudokkc sc:ko ngom mclvgtagji.

JO:N 14:24 ပူးပေါင်းရင်းမြစ်များ

METIU 19:21

Jisubv bvm luto, “No appv:lok aiyyampc cmna mc:dagmvlo, gvkang, oko okko du:nc kongapta:kuka odokkc opancm bitok, odokkc nokkc murkong kumsungc du:yckupc: odokkc gvtok, ngok lcdulo gvmvntok.”

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

JO:N 14:25

“Sc agomkvdv:scm ngo nolum lubitu:bong, ngo noluk lcdulo du:mvnna du:du:scm.

JO:N 3:11

Aro-aroru:pc, ngo nom lubidung, ngo okkom kindagji cdcm ludo, odokkc okodcm ngolu ka:tonc cdcm lukanbido; ckvdaggom no ngoluk lukanbinamcm torvgsumang.

JO:N 3:34

Kapila:nc sc:kobvm Ru:ncpvncbv mclvgtagnc Ru:ncpvnckc lcgangc agom kvdv:dcm ludag, kapila:nc Bv kvla Yalodcm bimang;

JO:N 5:19

Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

JO:N 5:38

Odokkc nolu Bvk agomcm cdvlosin noluk asinno du:mang, kapila:nc sc:kobv mclvgtagnc Bvm nolu mc:jvgmang.

JO:N 7:16

Cmpila Jisubv bulum lubito, “Ngok luyirnamdc ngokkcmang, cmpige:la sc:ko ngom mclvgtagji Bvkkc;

JO:N 7:28

Cdcmpila Jisubv bottapc, kumko okumdo luyirkamdcmpc lugo:bito, “Nolu ngom kindag, odokkc ngo okolokkc gvnncji nolu kindag? Cmpige:la ngo avkc mcngkamkokki gvmang; sc:kobv ngom mclvgtagnc Bv arro, odokkc Bvm nolu kinmang.

JO:N 8:26

Ngo noluk agomcm bojcrungko lupcnammc dung odokkc bojcrungko kcbang ba:pcnammc; cmpige:la sc:kobv ngom mclvgtagnc Bv arro, odokkc mo:pvscm lugo:bido ngo okodcm Bvkkolokkcm tattoji.”

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

JO:N 8:38

Ngo agomcm ludung okodcm ngok Abukokki ka:begdagji, odokkc noluk abudokkcm okkom tattoji cdcm idag.”

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.