JO:N 14:21 - ANU LUGOD N. T. (BSI)

²¹ “Sc:kokc ngok kvnggv:pc lulvgnam agom kvdv:dc du:nc odokkc cdcmbulum taddagnc, bv:na ngom aipc mc:ncdc; odokkc sc:kobv ngom aipc mc:dagnc ngok Ba:bukokki ayangkosuyc, odokkc ngo bvm aipc mc:yc odokkc ngo avyc bvm lcngkansuyc.”

JO:N 14:21 ပူးပေါင်းရင်းမြစ်များ

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

JO:N 14:18

“Ngo nolum dunggur daggurnc kama:dopc mcla gvkuma:yc; ngo nolukkolo:pc gvlatycku.

JO:N 15:14

Nolu ngok ajonc ngok lulvgnam kvdv:dcmpc tadla nolu imvlo.

JO:N 16:14

Bv ngom amincm gvmoyc, kapila:nc Bv okodc ngokkcnc la:yc odokkc cdcm nolum lukanna lubiyc.

JO:N 16:27

kapila:nc avdci nolum aipc mc:dag, lcga:dc nolu ngom aipc mc:to odokkc ngo Abukotokkc gvdung cmna mc:jvgto.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

AGER KVDVNG 22:18

‘Lomtoka odokkc Jerusalemsokkc mcna:pc gvpakkang, kapila:nc bulu no ngok agomcm lukanbinamdcm torvgsuma:yc.’

2 KORINTIANGKVDVNG 12:8

Lcwumkopc ngo Ru:tummc kumna koto, jc cdc ngom mcpakpa:do;

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

2 TIMOTI 4:22

Ru:tumbv nok yalodo du:mvnka:langka. Nok lcdulo ayang-abbo dungka:langka.

1 JO:N 2:5

Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

1 JO:N 5:3

Kapcnc cdcna Ru:ncpvnckc aipc mc:namdc, jc ngolu Bvk lulvg lunam kvdv:dcm gagdo. Odokkc Bvk lulvg lunam kvdv:dc jo:la:ma:pc inammang.

2 JO:N 1:6

Odokkc sc:na aipc mc:namdc, jc ngolu Bvk lulvg lunamdcm lukamdcmpc gvmvndo; cdcna lulvg lunamdc, kapc nolu lendo dokkcbong tattoji, jc nolu aipc mc:namcm lukamdcmpc gvmvnnangka.

LUNGOR LUNAM 2:17

“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.

LUNGOR LUNAM 3:20

Ka:toka, ngo yabgodo dagla dungge:la piku:do: jodi sc:kai akonc ngok gomugdcm tadbegyc odokkc yabgodcm moge:yc, ngo bvkkolo:pc gva:yc odokkc bvk lcdulo du:mvnyc, odokkc bv:sin gnokkolo.