JO:N 14:20 - ANU LUGOD N. T. (BSI)

²⁰ Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

JO:N 14:20 ပူးပေါင်းရင်းမြစ်များ

JO:N 10:38

Cmpige:la ngo gerdu:mvlo cdcmbulum, nolu ngom mc:jvgcimanggom, agerkvdv:dcmci mc:jvgtoka, odomvlo nolu kinycpc odokkc Abudc:jc ngokkolo dung odokkc ngo Abudokkolo dung.”

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 14:11

Ngom mc:jvgtoka ngokkolo:jc Abubv dung odokkc Abubv ngokkolo dung; cdcmpcmanggom ngom agerkvdv:dok lcgango:pci mc:jvgtok.

JO:N 16:23

“Odo longckvdv:do nolu okkomsin ngokkolokkcm ma:ma:yc. Aroru:pc, aroru:pc ngo nolum lubidung, nolu atvko Abudokkcm mamvlo, Bv cdcm ngok aminno biyc nolum.

JO:N 16:26

Odo longcdo nolu ngok aminno koyc; odokkc ngo luma:yc jc ngo Abudcm noluk lcgangc kumyc;

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

JO:N 17:26

Ngo nok amincm bulum kinmoto, odokkc ngo cdcm kinma:yc, jc no oko aipc mc:namdokki no ngom aipc mc:tonc bulukkolo:jen du:ycpc, odokkc ngo bulukkolo du:mvnycpc.”

JO:N 17:7

Su:pak bulu kindag jc ngom binam appv:dc nokkolokkc;

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

ROMANKVDVNG 16:7

Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 12:2

Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

2 KORINTIANGKVDVNG 5:19

cdcna, Kristokolo Ru:ncpvncbv lckomodungakui Bvkkokki rcngamscm, buluk imursiyarcm buluk birudi:pc, odokkc ngolum lckomokunamdok lutadcm togclvgla.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

KOLOSIANG 1:19

Kapcnc Bvkkolo Ru:ncpvnckc appvng bi:dandopc pv:namdc du:pc mc:lvgsukang,

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

KOLOSIANG 2:9

Kapcnc Bvkkolo appvng Ru:ncpvnc amvrpc du:do-dagdo,

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.