JO:N 13:2 - ANU LUGOD N. T. (BSI)

² Odokkc dodo tv:dodcm Simonkc awo Iskaroitkc asindo cdvlo uidc Bvm mirupc topakpc cmna, asindo angka:ji,

JO:N 13:2 ပူးပေါင်းရင်းမြစ်များ

AGER KVDVNG 5:3

Cmpige:la Pitorbv luto, “Ananianga kapila Satandc nom asindcm Angunnc Yalodcm lume:ycm lunamdcm bi:moton odokkc among kola pa:namdok akkem la:tumla lc:moton?

LUNGOR LUNAM 17:17

kapcnc Ru:ncpvncbv cdcm buluk asin arangkvdv:do:pc mca:lvgto buluk mc:la gvpc ipcnamdcmpc idopc asin atcrongkopc ila odokkc buluk migom ilang gvla:dcm cdc simvndo:pc bipakla:yam, Ru:ncpvnckc agomdc lukamdcmpc ingapma:sisscm.

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

2 KORINTIANGKVDVNG 8:16

Cmpige:la Ru:ncpvncmc aipai binampc ika:langka sc:kobv noluk lcgangc c:mo:pinc ka:sv:mosv:nammcm idagnc Titu:kc asin ara:do.

LU:KKC 22:31

“Simona Simona, ka:toka, Satan uidc pa:pc cmna madung, bv:jen nom gewu a:mcmpc gvyotbopckc,

LU:KKC 22:3

Odo Satan uidc Juda: cmnam Iskariotkolo angkang sc:kobv vyvngkolang anyidok akoa:ji;

JO:N 13:4

dokodokkc darobkang, Bvk gcnam attarkvdv:dcm angupc lcngge:la odokkc Bv avyc dumcrkokki yc:rcgsuto.

METIU 10:4

Simonbv Kannangolokkcdc, odokkc Judas Iskariotbv, sc:ko Bvm miru alaglo tolvgtonc.

JO:N 13:11

Kapila:nc Bv kindagai sc:kobv mirupc tolvgycji, cdcmpilangv:ng Bv luto, “Nolu appv:dc narc:mang.”