JO:N 12:49 - ANU LUGOD N. T. (BSI)

⁴⁹ Kapila:nc ngok avkc ilang gvlangki ngo agomdcm lumang; Abudc sc:kobv ngom mclvgtagnc Bv avdci ngom lulvgcm lutag okkom lupcnamcji odokkc okko cmpcnammcji.

JO:N 12:49 ပူးပေါင်းရင်းမြစ်များ

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 14:24

“Sc:kobv ngom aipc mc:ma:ji ngok agomcm tadgabla lc:mang; odokkc noluk tadnam gomugkvdv:dc ngokkcmang cmpige:la cdc Abudokkc sc:ko ngom mclvgtagji.

JO:N 14:31

Ckvdaggom ngo Abudc kvnggv:pc agom lukampc ido, odomvlojen mo:pvsc ngo Abudcm aipc mc:dag cmna kinycpc. Darobtoka, kajc sokkc gvkangkuboi.

JO:N 15:15

Lckoda nolum ager gerya:nc cmna lukuma:bong, kapila:nc ager gerya:nc kvdv:dc okkom Buluk ru:tumdc ila du:ji kinmang. Cmpige:la ngo nolum ajonkvdvngc cmna gogtobong, kapila:nc ngo Abukolok tadnam appv:dcm ngo nolum kinabmotobong.

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 3:11

Aro-aroru:pc, ngo nom lubidung, ngo okkom kindagji cdcm ludo, odokkc okodcm ngolu ka:tonc cdcm lukanbido; ckvdaggom no ngoluk lukanbinamcm torvgsumang.

JO:N 3:32

Bv okodcm ka:tonc odokkc tadtonc cdcm lukanbidag, ckvdaggom sc:kosin Bvk lukanbinamdcm torvgsutomang;

JO:N 5:19

Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

JO:N 5:30

“Ngo avkc ilang-gvlangkokki okkomsin ila:mang; ngok tannamdcmpc, ngo kcbangcm ba:do; odokkc ngok kcba:dc arodag, kapila:nc ngok mcngkamcm ngo mamang cmpige:la Bvk mcngkamcm mado sc:ko ngom mclvgtu:ji.

JO:N 6:68

Simon Pitorbv bvm lubito, “Ru:tuma, ngolu sckkolopcn gvycn? Nokkc lo:dvscm turyarla turnamdcm binc gomugdc dung,

JO:N 7:16

Cmpila Jisubv bulum lubito, “Ngok luyirnamdc ngokkcmang, cmpige:la sc:ko ngom mclvgtagji Bvkkc;

JO:N 8:26

Ngo noluk agomcm bojcrungko lupcnammc dung odokkc bojcrungko kcbang ba:pcnammc; cmpige:la sc:kobv ngom mclvgtagnc Bv arro, odokkc mo:pvscm lugo:bido ngo okodcm Bvkkolokkcm tattoji.”

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.