JO:N 12:41 - ANU LUGOD N. T. (BSI)

⁴¹ Isaia:bv cdcm luto kapila:nc bv Bvk amin gvnamcm ka:to odokkc bvk agomcm luto.

JO:N 12:41 ပူးပေါင်းရင်းမြစ်များ

LU:KKC 24:27

Odokkc Mose:kolokkclang lungorlunc kvdv:dokkc lurobbomna Bv Ru:nckc agom adgab appv:dcm lukur lule:la lubito Bvk agom lunamdcm.

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

1 PITOR 1:11

bulu tadkukla tadka oko tani:yc cdcmanggom ayirdcm Kristokc Yalodokki lcngkanbikaji odokkc odok lcdudok amin gvnamdc.

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.