JO:N 12:29 - ANU LUGOD N. T. (BSI)

²⁹ Odok dagla du:nc yadkumsunc tani:kcrcdc cdcm tatto odokkc cdc do:mvrko mvrkang cmna tatto. Akedc luto, “Taycng among lutad lunckonc Bvm luto.”

JO:N 12:29 ပူးပေါင်းရင်းမြစ်များ

LUNGOR LUNAM 14:2

Odokkc ngo taycng amongtokkc gomugko tadpa:to bojcrungko bidnc asidok bc:namdcmpc odokkc bottapakpc mvrnc do:mvrdcmpc; cdc gomugdcm ngok tadbegnamdc be:lang mannclok be:langcmpc bc:dagai,

LUNGOR LUNAM 11:19

Odo Ru:ncpvnckc kumko okumdc taycng amo:to moge:kang, odokkc Bvk lugoddok siycng ollu:dcm Bvk kumko okum ara:do ka:begto, odokkc odo mcrulok ruad ladkannammc laddagai, gomugcbulu, do:mvrtok donge:yc mvrnamc, tarcmo:tonko, odokkc kvnggv:pc vlv:tang pcdongc okang.

LUNGOR LUNAM 8:5

Odo taycng among lutad luncdc dunang romnamdcm la:to odokkc cdcm palvgkodokkcm vmmcm parrvgto odokkc cdcm mo:pvso:pc crpaglvgto; odokkc bc:bar bc:barla bc:nc gonta bc:bomkang, gomugcmbulum, ruadlok latkancm, odokkc tarcmo:ton tonnamc.

LUNGOR LUNAM 6:1

Cdcmpc idodo ngo cdvlo ka:toji Awo Me:rdc tubjet kvnvddok okodcm la:paktoji, odokkc ngo tadto cdc turnc simvn dorpi:dok adorkonc luto, do:mvrcmpc mvrnc gomugko, “Gva:tok!”

AGER KVDVNG 9:7

Bvk lcdulo gvmvnnc tani:kvdv:dc agom luma:pc dagamkang, gomugdcm tadbegto cmpige:la sc:komsin ka:begma:la.