JO:N 12:28 - ANU LUGOD N. T. (BSI)

²⁸ Odo taycng amo:tokkc gomugkko bugyi:kang, “Ngo cdcm amincm gvmoto, odokkc ngo lckoda cdcm amincm gvmoyc.”

JO:N 12:28 ပူးပေါင်းရင်းမြစ်များ

METIU 26:42

Lckoda, Bv gc:rkang odokkc kumto; “Ngok Abu, cdcm ngok tv:ma:takam gc:rma:mvlo, nok mcngkamdcmpci ika:langka.”

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

METIU 3:17

odokkc ka:tok, taycngamo:tokkc gomugko, scmpc lukang, “Sc ngok airu:pc aipc mc:nam Awwo, sckkolo ngo airu:pc mc:tv:sudoji.

2 PITOR 1:17

Kapcnc cdvlo Bv mcnggcnammcmnang amingvnamcm Ru:ncpvnckolokkcm torvgsutonc odokkc gombugdcm Bvkkcpc bugbitonc cdc Migang ga:nc Amingvnamdokki. “Sc ngok aipc mc:bomsunam Awo, sckkolo ngo airu:pc mc:lvgsudonc,”

IPESIANG KVDVNG 3:21

Bvkkcpc mondoli:lo aminc gvka:langka odokkc Kristo Jisukolo appvng opvnno, lo:dv-lo:dcm. Amen.

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

JO:N 18:11

Jisubv Pitormc luto, “Nok matsvgdcm odok payugdo lc:tokuk; ngo bati:dokkcm tv:ma:yclang okodcm Abudc ngom bitu:ji?”

JO:N 11:4

Cmpige:la cdvlo Jisubv tadbegtonc Bv luto, “Cdc ramnamdokki sima:yc; cdc Ru:ncpvnckc amin gvnam lcgangcmvn, odomvlo Ru:ncpvnckc Awodc odokki amin gvnaycpc.”

JO:N 9:3

Jisubv lubito “Sc tani:sc:jc pa:bcm itonc cdcmang, cdcmanggom bvk anc-abudc:sinmang, cmpige:la Ru:ncpvnckc agerkvdv:dcm bvkkolo ka:begamycpc cmna:mvn.

LU:KKC 9:35

Odokkc mukkang ara:dokkc gombugko bugkang, scmpc lula, “Sc ngok Aowo, ngok Balennammc; Bvk agomcm tadlangka!”

LU:KKC 3:22

odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

MARKKC 14:36

Odo Bv luto, “Abba, appvngcm no ila:dag; cdc bati:dcm ngokkolokkcm la:pakteika; ckvdaggom ngo okodcm mc:dagnc cdcmpcmang, cmpige:la nok mcngkamdcmpckc.”

MARKKC 9:7

Odokkc bulum mukkang atakkonc ugyumna yvngkomto, odokkc mukkang ara:dokkc gombugko buglenkang, “Sc ngok mc:bomsunam Aowo: Bvk agomcm tattoka.”

MARKKC 1:11

Odokkc do:mvrtokkc gomugko luto “No ngok mc:bomsunam Awwo; nom ngo airu:pc mc:lvgsudag.”

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

METIU 11:26

C: Ba:ba, kapila:nc cdcmpci nok ayang-abonc asin mc:namdc.