JO:N 12:27 - ANU LUGOD N. T. (BSI)

²⁷ “Su:pakna ngokkc mc:pinmcngogcnc. Odokkc ngo okkomna luiya:ji? ‘Abba, sc ayirsokkcm ngom moya:tei cmycnci’? Ma: sok lcgangcmvn ngo sc ayirso:pc gvdu:n. Abba, nok amincm gvmotoka.”

JO:N 12:27 ပူးပေါင်းရင်းမြစ်များ

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

METIU 11:26

C: Ba:ba, kapila:nc cdcmpci nok ayang-abonc asin mc:namdc.

METIU 26:42

Lckoda, Bv gc:rkang odokkc kumto; “Ngok Abu, cdcm ngok tv:ma:takam gc:rma:mvlo, nok mcngkamdcmpci ika:langka.”

METIU 26:45

Odokkc Bv agom tadjvgla gvmvnnc tani:kvdv:do:pc gvlattoku odokkc bulum luto, “Nolu su:pakpcsinnci yubtvla du:n odokkc du:rasula du:n? Ka:tok, ayirc aninpc pvngangka:bong odokkc tani:kc Awodcm pa:pkanc tani:kvdv:dok alaglo tolvgtu:bong.

LU:KKC 22:44

Odokkc sinamcmpc du:la:ma:la Bv kvnggv:ya:pc kumto; odokkc angkirc i:ycmpc amo:bo abug abugpc bidledrobbomkang.

LU:KKC 22:53

Cdvlo ngo longgcm longgcm kumko okumdo dungaji, nolu ngom alagcm sutkvtomang, cmpige:la sc noluk ayirc, odokkc kcmokokki ilang gvlangc.”

JO:N 11:41

Odokkc Jisubv Bvk amigcm tayc:to:pc nge:sa:la kangge:la luto, “Abba, ngo nom aipai cmdung no:jc ngok kumnamcm tattonc.

JO:N 12:23

Odokkc Jisubv bulum lubito, “Tani:kc Awodokkc amin gvmonanc ayirdc pvnga:du:bong.

JO:N 13:21

Cdvlo Jisubv cdcmpc lutonc, Bvk yalodc mc:pinmcngoksukang, odokkc lukanko lubito, “Aroru:pc, aroru:pc, ngom miru alaglo tolvgyc.”

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

1 TIMOTI: 1:15

Lunamdc arorungc odokkc torvgsupc arckannc, jc Kristo Jisubv papi:kvdv:dcm moturkapc mo:pvso:pc gvka.

HIBRIUKVDVNG 2:14

Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

HIBRIUKVDVNG 5:7

Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai.