JO:N 12:25 - ANU LUGOD N. T. (BSI)

²⁵ Sc:kobv avkc turnamcm mc:bodagnc cdcm yogmodag, odokkc sc:kobv bvk turnamcm tayumycnc sc rcngamso turyarla turnam dokkcpc cdcm lc:dag.

JO:N 12:25 ပူးပေါင်းရင်းမြစ်များ

METIU 10:39

Sc:kobv turnamdcm pa:dagnc bv cdcm yogmoyc, odokkc sc:kobv ngok lcgangc turnamcm yogmoycnc bv cdcm pa:yc.

METIU 16:25

Kapila:nc sc:koi bvk turnamcm moturru:ycnc cdcm yogmoyc, odokkc sc:kobvi ngok lcgangc bvk turnamcm yogmoycnc bv cdcm pa:yc.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

MARKKC 8:35

Kapila:nc sc:kobvi bvk turnamcm pa:la dung cmna mc:ycnc bv cdcm yogmoyc; odokkc sc:kobvi bvk turnamcm ngok lcga:pc tolvgycnc odokkc tadponc lutaddok lcga:pc mclvgycnc cdcm moturyc.

LU:KKC 14:26

“Sc:koiyc ngokkolo:pc gva:mvlo odokkc bvk avkc abudcm, ancdcm, nc:dcm, ommangkvdv:dcm, bvrrangkvdv:dcm odokkc bvrmangkvdv:dcm, c:, odokkc bvk avkc turnamdcmsinci aimang cmna mc:ma:mvlo bv ngok agom mc:jvgla gvmvnnc tani:pc ila:ma:yc.

LU:KKC 17:33

Sc:kobvi turla du:namdcm pa:pc cmna mc:ycnc bv yogma:yc, cmpige:la sc:kobvi turnamcm yogmoycnc cdcm mosv:dag.

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

AGER KVDVNG 21:13

Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”

HIBRIUKVDVNG 11:35

Nc:ngkvdv:dc buluk sinc tani:kvdv:dcm turnamkokki pa:lattoku. Akkem moke-moyeto, mclennvgkunammcm tolvgsuma:pc ito, bulu jen aiya:nc turnamkopc tursa:la:ycpc.

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.