25 Jisubv bvm lubito, “Ngowvng turkunamdc odokkc turnamdc; sc:kobv ngom mc:jvgycnc, bv sidaggom, bv turycku,
Odokkc Bv bvm luto, “Aroru:pc, ngo nom lubidung, sillung no ngok lcdulo taycng amo:to du:mvnyckupc.”
Bvkkolo turnamc dungai, odokkc turnamdc tani: kvdv:dok pvangai.
Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.
Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.
Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.
Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.
Kapila:nc Abudc sinncm moturge:kula bulum turrnamcm bikunammcmpc, cdcmv:pc Awodc sc:komci mc:dagnc bvmmci turnamcm bidag.
Kapila:nc Abudokkc kapc avkc turnamc du:ji, cdcmv:pc Awodcmsin bvkkolo turnamc du:dopc Bv bito,
Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.
Sc:kosin ngokkolo:pc gva:la:mang Abudc sc:ko ngom mclvgtagji bvm mc:bomola gva:moma:mvlo; odokkc bvm ngo du:tcr dungap longcdo turmoycku.
odokkc turnamsok gagbomncdcmc: moketo, sc:kom Ru:ncpvncbv sikolokkcm turmotokuji. Ngolu odok lukanbinckvdvngc.
“Ngo nom ope:ncgvng abaru:lok abupc ru:tu:bong” –bv sc:kom mc:jvgdagji cdc Ru:ncpvncdok ka:de:pc, sc:kobv sinncm turnam bidagji odokkc attar kama:ncm kadopc gogdagji.
Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.
Cmpcmvlo cdc Kristomc mc:tinna simvnnc appv:dc yogpagamkang.
Cdcmpima:mvlo, tani:kvdv:dc okko cmna mc:ycn sincdok lcga:pc baptismo binamdcm? Sinckvdv:dcm cmpcsinci turmokuma:mvlo, kapila tani:kvdv:dc Bvk lcga:pc baptismongcm bidon?
kinna jc sc:kobv Ru:tum Jisumc turmotokunc ngolumsin Jisukc lcdulo turmoycku odokkc noluk lcdulo Bvk dungkodo:pc langa:ycku.
Ngom anyidok ara:do ncrkeptag. Ngok mc:namdc gvpakkupc odokkc Kristokc lcdulo du:mvnkupc, kapcnc cdc airu:pc aiya:dag.
Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,
Kapila:nc ngolu mc:jvgdo jc Jisubv sikang odokkc darobkangku lckoda, cdcmv:pci, Jisukokki, Ru:ncpvncbv la:rvgsuycku Bvkkokki cdc sc:kobulu sikaji.
Nngo sito, odokkc ka:toka ngo lo:dv longkvpc turra dung, odokkc ngokkc Turnamdokkc odokkc Sinam kekonbok sabi:kvdv:dc dung. 1
Sinckvdv:dok akedc cdc lv:ying dv:takdc gvngapma:sisscm turtokumang. Cdcna turpongar pongkunamdc.
Bv buluk appvngkc amiglok migscm tidpagambiyc odokkc cdvlosin sinam kama:ycbong, cdcmanggom mc:dvr-mc:songc cdcmanggom kabnamc cdcmanggom kinamc cdvlosin kakuma:bong, kapcnc po:pckc attarkvdv:dc gvpagamkang.”
Odokkc Bv ngom turnamdok a:ncdok asidcm lcngkanto, arscmpc tong cmna lolatdag,
Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.