JO:N 10:6 - ANU LUGOD N. T. (BSI)

⁶ Jisubv sc kvkanbinam do:yv:scm bulum kvtc:la kvnaka, cmpige:la Bv okkom lubidungaji bulu tadkintomang.

JO:N 10:6 ပူးပေါင်းရင်းမြစ်များ

JO:N 16:25

“Ngo scmbulum nolum kvyv:sula kvnam agomki lubitobong; cdvlo ngo lckoda nolum kvnam agomki nolum lukuma:ycbo:nc ayirdc pvnga:du:bong cmpige:la Abudok agomcm tadkindandopc luscgpc lubiyc nolum.

METIU 13:51

“Nolu sc appv:scm tadkinamton?” Bulu Bvm luto, “C:”

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

1 KORINTIANG KVDVNG 2:14

Taycng among agom kinma:nc tani:dc Ru:ncpvnckc Yalodcm torvgsumang, kapila:nc bvkkcpc cdcbulu monba:ba:namc, odokkc bv cdcmbulum mcngkinmang lcga:dc bulu taycng among agomlokkipak aidag aimang cmna angumodag.

JO:N 8:43

Nolu kapila mcngkin-tadkinma:n ngo okkom ludu:ji? Cdc lcga:dc nolu ngok agomkvdv:dcm tadrasula:ma:la:mvn.

JO:N 8:27

Bulu Bv:jc Abudok agomcm luka cmna tadkintomang.

JO:N 7:36

Scmpc lunamdcm Bv okkomna ludangncm, ‘Nolu ngom mayc odokkc nolu ngom mabegma:yc’, odokkc, ‘Ngo okolo du:ycnc nolu gvmvnna:ma:yc’?”

JO:N 6:60

Agom tadjvgla gvmvnnc tani:kvdv:dok bojcrungkonc, cdcm cdvlo tattoji, luto, “Sc tornc agomko; cdcm sc:ko tadla:ycncm?”

JO:N 6:52

Jiwudi: kvdv:dc odo buluk buluk ara:lo scmpc lula luker-luyer mvnsukang, “Sc tani:sc Bvk adincm dodopc bila:ycn?”

METIU 13:34

Sc appv:scm kvkanbila kvnam do:yvngkokki Jisubv tani:kvdv:dcm kvbito; aropakpc kvkanbila kvnam do:yvngkokkima:pc bv okkomsin luttoimang.

MARKKC 4:34

Bv kvkanbinam do:yvngkokkima:pc bulum agomcm lutomang, ckvdaggom Bvk avkc agom tadjvgla gvmvnnc tani:kvdv:dcm Bv appv:dcm lulenlua:la lubito.

JO:N 16:29

Bvk agom tadjvgla gvmvnnc tani:kvdv:dc luto, “Oh, su:pakna no tadkindandopc agomdcm ludu:nc, kvkanna kvma:pc!

2 PITOR 2:22

Cdc bulukkcpc cdcmpc ikang cdc aro lukanna lunamdcmpc, iki:dc bvk avkc badlennamdcm tu:latsula dosudakku, odokkc e:gcm vrpu:namdcm bvm bukatlo yonbut-yonyatsumokupc vrnamc.