JO:N 10:4 - ANU LUGOD N. T. (BSI)

⁴ Bv cdvlo bvk cdc appv:dcm go:lenbomdagji, bv bulum gvpong gvpo:la gvdag, odokkc bera kvdv:dc bvk lcdu lcdulo gvmvndag, kapila:nc bulu bvk gomugcm tadkindag.

JO:N 10:4 ပူးပေါင်းရင်းမြစ်များ

METIU 16:24

Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 10:27

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag;

JO:N 10:3

Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.

JO:N 10:5

Kinma:nam tani:kolok lcdulo bulu gvmvnma:yc, cmpige:la bulu bvkkolokkc dugpandugransuyc, kapila:nc bulu kinma:nam tani:kvdv:dok gomugdcm tadkinmang.”

JO:N 10:8

Ngom sc:kobulu gvpongkanc cdc appv:dc dopso:nclang rodkudnc; cmpige:la bera sobenkvdv:dc buluk agomcm tattomang.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 13:15

Kapila:nc ngo nolum lcngkanko ibito, nolujen ngok nolum ikampc iycpc.

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 3:29

Sckkcpc yamncd du:nc cdc magbodc; magbodok yamgurdc, sc:kobv bvk kcra:do dagla lunamdcm taddagnc, magbodok agomdo airu:pc mc:podag; cdcmpidag sc ngok mc:ponamsc su:pak pvngka:bong.

1 KORINTIANG KVDVNG 11:1

Ngok gvkampc gvmvnncpc itoka, ngo kapc Kristokc lcdulo gvmvndoji.

IPESIANG KVDVNG 5:1

Cdcmpidag Ru:ncpvnckcmpc imvntoka, aipc mc:bomsunam ommangcmpc.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

HIBRIUKVDVNG 6:20

okolop Jisubv dugpo:la dugnckopc, lo:dvlongkkvpc du:nc dormo ager gernclok bottcncpc Melkijedekkc ikam-gvkamdok lcdudokkc ngoluk lcga:pc gvka:ji.

1 PITOR 2:21

Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.

1 PITOR 4:1

Odokkc odcmpila Kristobv adinamvrro ipusire:ycm pa:la, nolu av avyc cdc mcngkamdcm mc:sutoka, kapcnc sc:kobvi adinamvrdo du:gcm gvtonc pa:bcm mcpaktokubong,

1 PITOR 5:3

anyi:sunam arcpa:nam lcga:mang cmpige:la airu:pc ilvng gvlv:la, ru:tumpc ila cdc nok ka:pcnam kvdv:dok tayc:do cmpige:la kcrc:dok gvgcnc akopc ila:pak.