30 Ngo:lang Abubv akkongc.”
“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.
Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,
Ngok Abubv sc:kobv bulum ngom bitagnc, appvngcmyam bottaya:nc, odokkc sc:kosin bulum Abudok alagdokkcm sopakla:ma:yc.
nolu ludonci Bvm sc:kom Abudc bipaktonc mo:pvso:pc mclvgtonc, ‘no aima:pc lugcgcdung,’ ngok lunam lcgangc, ‘Ngo Ru:ncpvnckc Awodc cmna?’
Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.
Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?
Abudokkc du:nc appv:dc ngokkc; cdcmpidag ngo luto jc Bv la:yc okodc ngokkcji odokkc nolum lukanna lubiyc.
Ngok appv:dc nokkc, odokkc nokkc kvdv:dc ngokkc, odokkc ngo bulukkolo aminc gvdo.
Ckvdaggom Jisubv bulum luto, “Ngok Abubv su:paksin gertvla dung, odokkc ngo ager gerla dung.”
appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.
Jisubv bulum lubito, “Aroru:pc, aroru:pc, ngo nolum lubidung, Abrahammc oma:dokkcbong, ngo dung.”
Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.
cdc ngoluk bottcnc Ru:ncpvnc odokkc Moturnc Jisu Kristobv lenkunamdc,
Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.
Odokkc Yalodc lukanbinamc, lcga:dc Yalodc:na arodc.
