JO:N 10:3 - ANU LUGOD N. T. (BSI)

³ Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.

JO:N 10:3 ပူးပေါင်းရင်းမြစ်များ

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

JO:N 10:4

Bv cdvlo bvk cdc appv:dcm go:lenbomdagji, bv bulum gvpong gvpo:la gvdag, odokkc bera kvdv:dc bvk lcdu lcdulo gvmvndag, kapila:nc bulu bvk gomugcm tadkindag.

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 10:14

Ngo:na ainc bera soben ka:sv:ncdc; ngo avkckvdv:dcm kindag odokkc ngok avkckvdv:dc ngom kindag,

LUNGOR LUNAM 3:20

Ka:toka, ngo yabgodo dagla dungge:la piku:do: jodi sc:kai akonc ngok gomugdcm tadbegyc odokkc yabgodcm moge:yc, ngo bvkkolo:pc gva:yc odokkc bvk lcdulo du:mvnyc, odokkc bv:sin gnokkolo.

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”

ROMANKVDVNG 8:30

Odokkc cdc sc:kobulum bv po:pcbong ru:lvgtoji bv gogtosin; odokkc cdc sc:kobulum bulu gogtoji Bv ainc cmna kcbang ba:tosin, odokkc cdc sc:kobulum bv ainc cmna kcbang ba:toji bv amincmsin gvmoto.

JO:N 6:45

Cdcm lungorlunam kvdv:do adla lc:tag, ‘Odokkc bulum Ru:ncpvnc kokki luyircm lubiyc.’ Sc:kobv Abudokkcm tadla tadyirsutonc ngokkolo:pc gva:dag.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

KOLOSIANG 4:3

odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;

PILIPIANG KVDVNG 4:3

Odokkc ngo nolumsin taudung, aropakpc jungoli:ajonc, sc nc:ngkvdv:scm gerdum-gerrumsudung, kapcnc bulu kekonkesakpc agercm gerto tadponc lutaddcm lckopc luddom Klementkokki odokkc ngok ake ager gerjon ajonkvdv:dokki, sc:k aminkvdv:dc turnam potindo du:ji.

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 KORINTIANG KVDVNG 16:9

Kapila:nc ngokkcpc pontaru:nc yabgoko ager sa:nc agerko kuge:kang odokkc clc bojcrungko miruc dung.

JO:N 10:9

Ngo yabgodc; sc:koiyc ngogkolok gva:mvlo, bvm moturyc, odokkc gvlenycsin gva:ycsin odokkc dogongkowycm pa:yc.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

3 JO:N 1:14

Ngo mc:dag nolum lomdanna ka:begyc, odokkc ngolu lckopc ka:rvgmvnsudanna luposuyc.