JO:N 10:28 - ANU LUGOD N. T. (BSI)

²⁸ odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

JO:N 10:28 ပူးပေါင်းရင်းမြစ်များ

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

LU:KKC 23:46

Odo Jisubv, bottcru:pc jc:la kabla luto, “Ba:bow nok alaglo ngok yallom tolvgdung!” Odokkc Bv cdcm luge:la Bv ngatcrsuto.

JO:N 10:29

Ngok Abubv sc:kobv bulum ngom bitagnc, appvngcmyam bottaya:nc, odokkc sc:kosin bulum Abudok alagdokkcm sopakla:ma:yc.

JO:N 11:25

Jisubv bvm lubito, “Ngowvng turkunamdc odokkc turnamdc; sc:kobv ngom mc:jvgycnc, bv sidaggom, bv turycku,

JO:N 14:19

Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 18:9

Sc Bvk lunam agomkvdv:dc lukamdcmpc ipcnammai, “Sc:kobulum no ngom bitonc ngo akosin yogmotomang.”

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:47

Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.

JO:N 6:68

Simon Pitorbv bvm lubito, “Ru:tuma, ngolu sckkolopcn gvycn? Nokkc lo:dvscm turyarla turnamdcm binc gomugdc dung,

AGER KVDVNG 7:59

Odokkc bulu Stipenmc vlvngkokki crdodcm, bv kumto, “Ru:tum Jisua, ngok yaloscm torvgsutei.”

ROMANKVDVNG 5:17

Jodi, Tani: akolok imursiyarkokki, odo tani:dokki sinamc migom doto, bojcru:yangko sc:kobulu bi:poknc ayangcm torvgsuycji odokkc arc la:ma:pc binam amannok pa:yc cdc tani: ako Jisu Kristokoki turdakso dormokanamc migom doyc.

ROMANKVDVNG 5:2

Bvkkokki ngolu sc aya:so:pc gva:begto ngolu oko ara:lo dagdu:ji, odokkc ngolu Ru:ncpvnck aipaidcm ngolu lukonsula mc:pomola:do.

ROMANKVDVNG 5:21

odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.

ROMANKVDVNG 5:9

Odokkci, cdcmpinamc, ngolu su:pak bvk i:kokki ainc cmna lunamc, Ru:ncpvnckc aglv:dokkc bojcrungko ngolum mopvtyc.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.

2 TISSALONIANG 2:13

Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

1 TIMOTI: 1:16

Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

2 TIMOTI 1:12

Cmpige:la ngo anyi:mang, kapcnc ngo kindag sc:kom ngo mc:jvgdoji, odokkc ngo kindagrung jc Bv cdc Longcdc pvnga:dodo:pc ka:ribomla du:la:dag okodcm ngom lugablvgtagji.

HIBRIUKVDVNG 7:25

Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.

1 PITOR 1:5

Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.

1 JO:N 1:2

cdc turnamlok gomugdok agomcm–turnamcm lendopc lcngkantagaji, odokkc ngolu cdcm ka:begto, odokkc cdcm lukanbito, odokkc nolum lo:dv-longkvpc du:nc turnamdcm lukanna lubito odokkc ngolum lendopc lcngkantoji.

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

1 JO:N 5:11

Odokkc sc:na lukanbinamdc, jc Ru:ncpvncbv ngolum lo:dvlongkvpc turnamdcm bito, odokkc cdc turnamdc Bvk Awodo dung.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,