JO:N 10:16 - ANU LUGOD N. T. (BSI)

¹⁶ Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 10:16 ပူးပေါင်းရင်းမြစ်များ

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

LU:KKC 15:8

“Cdcmpcmanggom oko nc:dc, anvr murkong pirnyiko du:dom, apirko yogmomvlo, saki:ko runotge:la okum appv:dcm mami:-miri:la cdcm pangkuma:sisscm makuma:nc du:n?

JO:N 10:11

“Ngo:na ainc bera soben kanggabya:ncdc. Ainc bera soben kanggabya:ncdc bvk turnamdcmci bera sobenkvdv:dok lcgangc tolvgdag.

JO:N 10:2

cmpige:la sc:kobv yabgodok gva:dagnc bv:na berasoben kvdv:dok ka:svncdcnc.

JO:N 10:27

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag;

JO:N 10:3

Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.

JO:N 10:4

Bv cdvlo bvk cdc appv:dcm go:lenbomdagji, bv bulum gvpong gvpo:la gvdag, odokkc bera kvdv:dc bvk lcdu lcdulo gvmvndag, kapila:nc bulu bvk gomugcm tadkindag.

JO:N 10:5

Kinma:nam tani:kolok lcdulo bulu gvmvnma:yc, cmpige:la bulu bvkkolokkc dugpandugransuyc, kapila:nc bulu kinma:nam tani:kvdv:dok gomugdcm tadkinmang.”

JO:N 11:52

Odokkc opvndok lcgango:mang, cmpige:la mo:tc: mo:tc:lo Ru:ncpvnckc ommangkvdv:dc okolo gvpitsula du:nc cdcmbulum akkongkopc gvkumsumokupcnammc.

JO:N 17:20

“Ngo sokbuluk lcgangongc kummang, cmpige:la cdc sc:kobulu ngokkolo mc:jvgdagnc buluk lcgangcsin buluk agomkokki bulujen akkongkopc iycpc cmna;

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

AGER KVDVNG 15:14

Simionbv lukanbito kapc Ru:ncpvncbv Bvm kinma:nckvdv:dcm gvla ka:toji, bulum Bvk amin lcgangc la:lenpc.

AGER KVDVNG 18:10

kapila:nc ngo nok lcdulo dung, odokkc oko tani:ycsin nom moa:la:ma:yc nom motappc cmna; kapila:nc sc nogorsc ngokkc bojcrungko tani:yc dung.”

AGER KVDVNG 22:14

Odokkc bv luto, ‘Ngoluk abukvdv:dok Ru:ncpvncbv nom totag Bvk mcngkamcm kindopc, Aroncdcm ka:dopc odokkc Bvk nappa:dok gomugcm taddopc;

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

2 TISSALONIANG 2:13

Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

HIBRIUKVDVNG 13:20

Su:pak mcngannok Ru:ncpvncbv sc:kobv ngoluk Ru:tum Jisumc sikolokkcm la:sa:tokunc me:r sobennok bottcru:nc kanggabya:ncdc, lo:dv-longkvpc du:nc lugoddok i:dokki,

1 PITOR 2:10

Lcko nolu taniycimangai cmpige:la nolu su:pak Ru:ncpvnckc tani:yc; lcko nolu mc:yinsunamcm pa:mangai cmpige:la su:pak nolu mcyinsunamcm pa:to.

1 PITOR 2:25

Kapcnc nolu me:r sobencmpc gvnyokla gvdungai, cmpige:la su:pak Me:rsoben ka:svncdo:pc odokkc yalokvdv:dok Ka:svmosvncdo:pc gvlatbotakkubong.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

LUNGOR LUNAM 3:20

Ka:toka, ngo yabgodo dagla dungge:la piku:do: jodi sc:kai akonc ngok gomugdcm tadbegyc odokkc yabgodcm moge:yc, ngo bvkkolo:pc gva:yc odokkc bvk lcdulo du:mvnyc, odokkc bv:sin gnokkolo.