15 Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.
“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.
Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”
Odo ayirdo Bv angunnc Yalodokki mc:pokang odokkc luto, “Ngo nom aipai bidung, Abba, taycng amongcla: mo:pvsok Ru:tuma, no sc agomkvdv:scm kinnc-pa:nc kvdv:dokkcmlang mcngkinnc kvdv:dokkcm lc:suto odokkc kowawkvdv:dcm lcngkan to; c: Abba, kapila:nc cdcmpinna:ncna nok aipc mc:namdok mcngkamdc.
“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”
Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.
“Ngo:na ainc bera soben kanggabya:ncdc. Ainc bera soben kanggabya:ncdc bvk turnamdcmci bera sobenkvdv:dok lcgangc tolvgdag.
Tani:akonc bvk ajondok lcgangc turnamcmci tolvgbinamcmyam, bottcya:pc aipc mc:namc kamang.
O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.
Sc:kobv Ru:ncpvnckotokkc mclvgnammcnc bv:ma:mvlo sc:kosin Abudcm kangkvmang; Bv Abudcm kangkvtak.
Cmpige:la nolu Bvm kintomang; ngo Bvm kindag. Ngo Bvm kinmang cmna, ngo lumvlo, ngo nolugvngkcmpc lume: luncpc iyc; ckvdaggom ngo Bvm kindag odokkc ngo Bvk agomkvdv:dcm lukamdcmpc ido.
sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;
Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”
Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.
sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.
Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.
Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;
odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.