JO:N 10:12 - ANU LUGOD N. T. (BSI)

¹² Sc:kobv dorra langa:nammcnc odokkc bera soben kanggabya:ma:nckonc, bera sobenkvdv:dc sckkc avkcma:nc, ra:miki kvdv:dc duga:dopc ka:begycmvlo odokkc bera soben kvdv:dcm mcpakge:la dugpagamdag; odokkc ra:miki:kvdv:dc cdcmbulum gamna rcgpit-rcgyit supakdag.

JO:N 10:12 ပူးပေါင်းရင်းမြစ်များ

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

TITUS 1:7

Kapcnc dormo ager gergcnclok gergurnc Ru:ncpvnckc okum kanggabya:ncpc ipc, aima:nc agom lugong kapa:ru:ma:yc; bv ngowong cmna mc:suru:pa:ma:yc cdcmanggom apong tv:la tvngvrsunnc cdcmanggom kvnggv:pc pamvnsugo:la cdcmanggom arc pa:pc cmna mc:bo ka:boncpc ima:pc,

2 TIMOTI 4:10

Kapcnc Dema:bv, sc silokc mo:pvscm airu:pc aipc mc:dung, ngom mcpakto odokkc Tissaloniangpc gvkang; Kressenbv Galatia:pc gvkang, Titusbv Dalmatia:pc. Lu:kkc atcrc ngok lcdulo dung.

1 TIMOTI: 3:8

Dormo ager gernckvdv:dc cdcmv:pc kvnggv:pc asinc mc:dap sirsiru:pa:yc, agom ba:nyikopc lupcmc:pc ma:namrungc, kvnggv:pc apongcm tv:ncpc ipcma:namc, pa:nam lcgangc mc:bopcma:nammc;

1 TIMOTI: 3:3

amin gvnc, mibobolv:nc, agom kinnc poyirncko, apong tvngvrsugo:ma:nc, momvnsugo:ma:pc cmpige:la asin ansv:ncpc, pamvnsugo:ma:ncpc odokkc murkongcm mc:boma:nckopc.

AGER KVDVNG 20:29

Ngo kindag jc ngok gvpakdoku lcdulo aima:nc ra:ng ikiyc noluk ara:lo duga:ycpc, kcrc:dcm aima:ru:pc iycpc;

1 PITOR 5:2

Ru:ncpvnckc kcrc:dcm ka:sv:mosv:toka cdc nokkcpc nom kanggabma:namdcm, ke:ke:more:pcmang cmpige:la mc:lvgsula,

JO:N 10:3

Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.

METIU 10:16

“Ka:toka! Ngo nolum me:r sobencmpc ra:miki: ara:lo:pc mclvgdung; cdcmpidag tabbcmpc mcngkin-sagkinnang odokkc pckkcmpc yayulang.

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

JO:N 10:2

cmpige:la sc:kobv yabgodok gva:dagnc bv:na berasoben kvdv:dok ka:svncdcnc.

JO:N 10:13

Bv dugpakdag kapila:nc bv dorla langa:nammc odokkc bera sobenkvd:dcm ka:sv:mang.