JO:N 1:29 - ANU LUGOD N. T. (BSI)

²⁹ Longkondcm bv Jisumc bvkkolo:pc gva:dopc ka:to, odokkc luto, “Ka:toka, Ru:ncpvnckc Me:r Soben Awodcm, sc:kobv mo:pvsok pa:bcm jo:pakdagji!

JO:N 1:29 ပူးပေါင်းရင်းမြစ်များ

METIU 1:21

bv aowo ako pa:yc, odokkc no bvk amincm Jisu cmna minnang, kapila:nc Bv Bvk tani:kvdv:dcm pa:blokkcm moturyc.”

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

JO:N 1:35

Longkondo lckoda Jo:nbv bvk agom tadjgla gvmvnnc tani: anyiko dagbosula dungai,

JO:N 1:36

odokkc bv Jisumc lambc gvla du:dodcm ka:to, odokkc luto, “Ka:toka, Ru:ncpvnckc Me:r Soben Awodcm!”

JO:N 1:43

Longkondo Jisubv Galilpc gvpc cmna mc:to. Odokkc Bv Pilipmc pa:la bvm luto, “Ngok lcdu lcdulo gvtok.”

JO:N 2:1

Lowum longcdo Galildok Kanna:do midangko modungai, odokkc Jisukc ancdc odo dungai;

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

JO:N 4:42

Bulu cdc nc:dcm luto, “cdc nok agom dokkima:bong ngoluk mc:jvgnamdc, kapila:nc ngolu avyc avkcpc tadbegsutobong, odokkc sc:ru:bong mo:pvsok mopvtkuncdc.”

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

AGER KVDVNG 13:39

Odokkc Mose:kc lujvglurdokki okodcm nolu motubila:toma:ji mc:jvgnc takamcm motubito.

AGER KVDVNG 8:32

Cdc astrodok pa:nam bvk ponam potin intakdc sc:vai: “Me:r sobencm pakencdo:pc boma:namdcmpc, cdcmpcmanggom me:r soben awokonc odok amvd gadnclok kcra:do monba:ncmpc inamdcmpc, Bv Bvk nampangcm koge:tomang.

1 KORINTIANG KVDVNG 15:3

Kapila:nc ngo mayangarnamdcmpc okodcm ngo pa:toji, jc Kristobv ngoluk pa:p lcgangc Ru:nckc agom jvggabdcmpc sikang,

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

1 TIMOTI: 2:6

cdc Kristo Jisu tani:dc, sc:kobv avdc appvngkc lcgangc dorrennakupc bipaksutonc, lukanbinamdc akodc ayir pv:dardo lubikaji.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 2:17

Cdcmpidag Bvm Bvk bvrrangcmpc appvng agerlo ru:to, odomvlo jen Bv aya:ngaboncpc iycpc odokkc mc:jvg jvrvgnc kumnam ager gernclok bottcncpc iycpc Ru:ncpvnckc ager gernamlo, tani:kvdv:dok pa:pkvdv:dok lcgangc ipu:sunam lcgangc.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

1 PITOR 1:19

cmpige:la Kristokc airu:pc arckanc i:dokki, cdc okoloksin tarcko cdcmanggom aimang cmna lunam kama:ncdcm.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 JO:N 3:5

Nolu kindag jc Bv pa:bcm la:pakkapc lenka, odokkc Bvkkolo oko pa:bcsin kamang.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

LUNGOR LUNAM 14:1

Odo ngo nge:la ka:to, odokkc ka:toka, Jiondok Adi:tayc:do Me:r Awo sobendc dagsangkang, odokkc Bvk lcdulo lvngkolang yv:pi: lv:yingko sc:kobulu Bvk aminc dungaji odokkc Bvk Abudok amincm buluk tuptakvdv:do adtungai.

LUNGOR LUNAM 14:10

bv:sin Ru:ncpvnckc palvg lvgnam aglv:dok apo:dcm tv:yc, Bv aglv:dcm Bvk tv:nanc bati:do molusuma:pc to:lvgnamdcm, odokkc bvm vmvdokki romna romke-rommarycku odokkc gojalki cdc angunnc taycng among lutad lunc tani:kvdv:dok kangkolo odokkc Awo Me:r sobendok kcra:lo.

LUNGOR LUNAM 14:4

Cdc cdcbulu sc:kobulu nc:ngkokki napvnarc:ma:pc itoma:ji, kapcnc bulu angunna du:namc; cdc cdcbulu sc:kobulu Me:r Awo sobendok gvkolo okolopci bv gvdoji gvmvndagaji; cdc bulu Ru:ncpvnckc lcgangc e:pongarnc a:yckvdv:dc odokkc Awo Me:r sobendokkcpc tani:kvdv:dokkcm rcpvttoku,

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”

LUNGOR LUNAM 19:7

Kajc ngolu mc:pobatsulai odokkc kvnggv:pc mc:polai odokkc Bvm amincm gvmolai, kapcnc Awome:r sobendok midangc pvngangka:bong, odokkc Bv Yamncdc avdc mosv:sutakbong;

LUNGOR LUNAM 19:9

Odokkc taycng among lutad luncdc ngom luto, “Scm adtok: cdcbulu akirba:d pa:nc sc:kobulum Awome:rsobendc mida:dok donamtv:namdo:pc gogtagji.” Odokkc bv ngom luto, “Sc:bulu Ru:ncpvnckc aropaknc agomc.”

LUNGOR LUNAM 21:14

Odokkc nogordok bare:dc mogablvgnamc vyvngkolang anyiko dungai, odokkc odobulu Awome:r sobendok vyvngkolang anyi mclvgla ager germonam kvdv:dok amincm adlvgtungai.

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

LUNGOR LUNAM 21:9

Odokkc kvnvd taycng lutaddok akonc gvlendo sc:kobvkkc kvnvd soriangdc lcddarkc joardc kinamramnamdc bi:nckopc dungaji, odokkc ngom scmpc lula luto, “Kajc gvtok, ngo nom Yamncdcm lcngkanyc,

LUNGOR LUNAM 5:6

Odokkc migom dungko pongkokdo odokkc cdc turnc simvn dorpi:dc odokkc abv:nc tani:kvdv:dok ara:do, ngo me:r soben Awoko dagla du:dopc ka:to, cdc palvgnammcmpc a:rcng pi:nyikokki odokkc amig kvnvdkokki, okokvdv:dc Ru:ncpvnckc yalo kvnvddc:ji mo:pv appv:so:pc mclvgamnamkvdv:dc.

LUNGOR LUNAM 5:8

Odokkc cdvlo Bv yednam potindcm la:toji, turnc simvn dorpi:dc odokkc cdc yv:nyikolang appi: abv:nc tani:kvdv:dc me:r soben Awodok kcra:do owangamkang, appv:dc be:lang asong asongko sola: sola, odokkc avn soriangkokki namponc dunganc bi:danna, okodc:bulu aipc kumnc tani:kvdv:dok kumnamcji;

LUNGOR LUNAM 6:1

Cdcmpc idodo ngo cdvlo ka:toji Awo Me:rdc tubjet kvnvddok okodcm la:paktoji, odokkc ngo tadto cdc turnc simvn dorpi:dok adorkonc luto, do:mvrcmpc mvrnc gomugko, “Gva:tok!”

LUNGOR LUNAM 6:16

adi:kvdv:dcm odokkc vlvngkvdv:dcm, “Ngoluk tayc:so ojcmtcika Bvk kcra:dokkcm okomna sc:kobv migomdungkodo du:dagji cmna goggo:la, odokkc Me:r Awodok aglv:dokkc;

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”