JAKOB 5:19 - ANU LUGOD N. T. (BSI)

¹⁹ Ngokkc bvrokvdvnga, nolukkolok akonc arodokkc gvmurra gvgo:ycnc odokkc sc:koiyc bvm gvlatboyckunc,

JAKOB 5:19 ပူးပေါင်းရင်းမြစ်များ

METIU 18:15

“Nok bvrro nom imurko iycmvlo, bvkkolo:pc gvlang odokkc bvk imurcm lubilang, bvkkclang nok arango:lo. Bv nok agomcm tadmvlo, nok bvrodcm no pa:toku.

LU:KKC 22:32

cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”

GALATIANG KVDVNG 6:1

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

1 TIMOTI: 6:21

kapcnc cdcm lugo:la akke mc:jvg agomdok mcnggoddokkc gvpakkang. Nolukkolo ayangc dungka:langka.

2 TIMOTI 2:18

sc:kobulu gvkesula sikolo:pc arolokkc gvka:ji cdcmpc lulajc turkunamdc turkangcikubong. Bulu akelok mc:jvgcm mc:mur mc:yarsumotobong.

HIBRIUKVDVNG 5:2

Bv ijupsikabo:pc kinma:nam kvdv:dcm odokkc agom lukam tadnckvdv:dcm ibisa:bila:dag, bv avdci ilang gvlangma:namkokki yedrila:yam.

JAKOB 1:16

Ngok aipc mc:bomsunam bvrokvdvnga, yadkosuyoka.

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

JAKOB 3:14

Cmpige:la nolukkc jodi konncmpc ncgo-poggo du:yc odokkc ngowong cmna bottcpc mc:sunamko noluk asinkvdv:do du:yc, bottcpc mc:batsula mc:suyoka odokkc aro agomdcm lume:pc luyoka.

JAKOB 5:20

bvm kinmotoka jc papi:n ako sc:kobvi gvlatbotokunc bvk lambcdok imur ager kvdv:dcm bvk yalodcm sikolokkcm mopvyc odokkc bojcru:nc pa:bcm motityc

2 PITOR 3:17

Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

JU:D 1:11

Bulukkcpc mc:dvrpcnamc! Kapcnc bulu Kainkc lambclok lambcm gvdag, odokkc arc pa:nam lcgangc avkvdv:dc mc:paksudag Balaamkc imurgvmurdcm, odokkc Kora:kc birudi:pc mimag monamdo singabamdag.