JAKOB 1:25 - ANU LUGOD N. T. (BSI)

²⁵ Cmpige:la sc:kobv aiyo:pc ainc lujvg lurodo:pc ka:dagji, appvngcm aipc mc:mvnsunamlok lujvg lurodcm, odokkc mcmang-ke:ke:pc lukam tadtvla tadyc, mitpankunc tadncpc imang cmpige:la gerncpc cdc incdcmbulumpc iyc, bv bvk inam gvnamlo:bulu akirba:d pa:yc.

JAKOB 1:25 ပူးပေါင်းရင်းမြစ်များ

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

JO:N 13:17

Nolu sc agomkvdv:scm kinmvlo, nolu cdcmbulum imvlo gernc.

JO:N 8:36

Cdcmpidag Awodc nolum motudagmvlo, nolu aropakpci motunammc.

AGER KVDVNG 13:43

Odokkc kumko okumdok tani: gvkumsunamdc gvpansurobbomnamc, bojcrungko Jiwuyclang Jiwu dormo inc Poulkclang Barnaba:kc lcdu lcdulo gvmvnkang, sc:kobulu bulum Ru:ncpvnckc aya:do du:tvla du:dopc lusv:lvgtoji.

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

AGER KVDVNG 26:22

Silo longcso:pc Ru:ncpvnckolokkc pa:nam gvdumsunamcm pa:to, odokkc cmpila ngo sido adji:ncla bottcnc appv:lo lukanbila dagdung, okkomsin luma:pc cmpige:la Mose: lungor lunckc oko lunamkvdv:dc lukamdcmpci iycbo:ji cdcmong lula:

ROMANKVDVNG 11:22

Mcnggabtok cmpcmvlo Ru:ncpvnckc ayangabodcmnang tornamdcm: sc:kobulu oletkanc bulukkolo:pc tornamdcm, cmpige:la Ru:ncpvnckc asin rcmaknamdcm nolukkolo:pc, cdcsin nolu Bvk asin rcmaknamdo du:tvmvlopak; ckvma:mvlo nolumsinci papakyc.

ROMANKVDVNG 2:13

Kapcnc cdc lujvglurodcm tadncdc:mang Ru:ncpvnckc kcra:lo sc:kobv dormokadagji, cmpige:la lujvglurodcm tadla ager gerncdcmc arodag cmna ludag.

ROMANKVDVNG 7:12

Cdcmpila lujvglurodc angudag, odokkc kvnggv:pc lulvgnamdc angudag odokkc aropc kcba: ba:dag odokkc aidag.

ROMANKVDVNG 8:15

Kapila:nc nolu pcsokupc cmna pagbolok yallom torvgsumangai, cmpige:la nolu awo:lok yalodcm torvgsuto. Cdvlo ngolu “Abba!” Cmna gogtoji;

ROMANKVDVNG 8:2

Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

GALATIANG KVDVNG 6:2

Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

1 TIMOTI: 2:15

Ckvdaggom nc:ngcm kowcm pa:namkokki moturyc, jodi bv mc:jvgla du:tvmvlo odokkc aipc mc:namc odokkc angunno, aipc angunna du:namkokki.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

HIBRIUKVDVNG 12:15

Ka:toka cdcm jc sc:kobv:sin Ru:ncpvnckc aya:pc mc:namdcm pa:ma:pc ipc lagimang; jc oko “Konc appvrcsin” pvrsa:pc odokkc ipu sire:lok lcga:pc imopc lagimang, odokkc odokki bojcrungc napvnarc:ma:pc idag;

JAKOB 2:12

Asin aipc mc:la gernam agerkvdv:dcm lujvg lurodok du:ncm kcba:ba:pcnampcnampc agomcm lulangka odokkc agercm gerlangka.

1 PITOR 2:16

Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.

1 JO:N 2:24

Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.

LUNGOR LUNAM 14:13

Odokkc ngo taycngtokkc scmpc gomugko lunamko tadbegto, “Scm attoka: su:pakkolokkc sc:kobulu Ru:tumkc lcgangc sidagnc cdc sinckvdv:dc akirba:d pa:nc.” Yalodc ludag, “jc buluk ager gernamkvdv:dokkc du:rasunamcm pa:ycpc, kapcnc buluk ager gernamkvdv:dc buluk gerkamdcmpc pa:to!”

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.