JAKOB 1:22 - ANU LUGOD N. T. (BSI)

²² Cmpige:la agom lukamdcmpc incpc ilangka, odokkc tadla du:no:pc ima:pcka, nolu avycm avyc yadsula.

JAKOB 1:22 ပူးပေါင်းရင်းမြစ်များ

ROMANKVDVNG 2:13

Kapcnc cdc lujvglurodcm tadncdc:mang Ru:ncpvnckc kcra:lo sc:kobv dormokadagji, cmpige:la lujvglurodcm tadla ager gerncdcmc arodag cmna ludag.

JO:N 13:17

Nolu sc agomkvdv:scm kinmvlo, nolu cdcmbulum imvlo gernc.

JAKOB 4:17

Sc:kobvi okodc aidagji cdcm ima:mvlo odokkc cdcm ila:ma:mvlo, bvkkcpc cdc pa:bc.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

METIU 12:50

Kapila:nc sc:koi ngok taycng among abukc mcngkamdcmpc idogvdonc bvci ngok bvrro, odokkc bvrmc, odokkc annc.”

KOLOSIANG 3:17

Odokkc oko okodcmci nolu idonc, agomki cdcmanggom agerlo, appvngcm Ru:tum Jisukc aminno ilangka, Ru:ncpvnckc Abudcm Bvkkokki aipai bila.

LUNGOR LUNAM 22:7

Odokkc ka:toka, ngo lomdanna gvdokubong. “Sc:kobv sc potinsok lungor agom kvdv:dcm gagla du:ycnc bv akirba:d pa:nc!”

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

JAKOB 1:26

Akonc jodi mc:suyc bv dormokannc, odokkc bvk ayodcm motumsumang cmpige:la bvk asindcm yadsudo, cdc tani:dok dormodc cmmumpc idag.

GALATIANG KVDVNG 6:7

Yadkosuyoka; Ru:ncpvncmc moyomoka:nammang, kapila:nc tani:akonc okodcmci piddonc cdcmvng bv:sin gadycku.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

GALATIANG KVDVNG 6:3

Kapila:nc jodi akonc mc:yc bv atvko, cdvlo atvkosincimang, bv avdcm avyc yadsudo.

1 KORINTIANG KVDVNG 6:9

Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,

METIU 28:20

nolum ngok lulvgnam appv:dcm luyirra bulum; odokkc ka:lang, ngo lo:dcm noluk lcdulo dung, sc ju:gsok du:nam longcdok dungapdodo:pc.”

1 JO:N 1:8

Jodi ngolu luyc ngolukkc pa:bc kamang, ngolu avyc avycm yadsudag, odokkc arodc ngolukkolo kamang.

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

1 KORINTIANG KVDVNG 15:33

Yadkosuncpc iyoka: “Aima:nc ajonc ainc mc:jong asincm momvgdag.”

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

2 PITOR 2:13

Imurlokkc lcgangc imurcm pa:la. Bulu cdcm mc:ponammc cmna mc:dag longcdo birudi:pc ipc longgayirv:do. Bulu buluk ise-siyenamlo birudi:pc idag, mu:pakla narc:ma:pc imodag, nolukkolo tvngvrdowursula.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

1 KORINTIANG KVDVNG 3:18

Sc:kosin avycm yatsumoyoka. Nolukkolok akonc sc rcngam ayir-kvdv:so kinncpa:nc cmna mc:suycmvlo, bvm monba:ba:ncpc badmolang kinncpa:ncpc bv baddopc.

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.