JAKOB 1:19 - ANU LUGOD N. T. (BSI)

¹⁹ Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

JAKOB 1:19 ပူးပေါင်းရင်းမြစ်များ

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

MARKKC 12:37

“Dawidbv avdci Bvm Ru:tumcmna gogdag; cdcmpidag kapc Bv Bvk awopc iycn?” Odokkc bojcrung tani:yc Bvk agomcm mc:po:pc tadto.

MARKKC 2:2

Odokkc bojcrungko tani:yc yadkumsukang, cdcmpila buluk lcganc dungko soyarci kangctomang, yabgo ru:yidosinci; odokkc agomdcm Bv bulum luyirra dungai.

LU:KKC 15:1

Cdcmpidodo migom murkong urkumnckvdv:dc odokkc papi:kvdv:dc appv:dc Bvk agom tadkapc kcra:do:pc gvangamto.

LU:KKC 19:48

cmpige:la bulu atvkosin ila:tomang buluk ilv:namdcm ipc, kapila:nc tani:appv:dc Bvk agomkvdv:dcm airu:pc mcnga:namkokki.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

AGER KVDVNG 10:33

Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.

AGER KVDVNG 17:11

Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

IPESIANG KVDVNG 4:26

Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka.

IPESIANG KVDVNG 4:31

Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.

KOLOSIANG 3:15

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

KOLOSIANG 3:8

Cmpige:la su:pak cdc appv:dcm yoppagamtoka: aglvng sa:namc, dungko-ycko kama:pc aglv:nammc, mc:nyi:mvnsunammc, lume:pc ammem lugc gcnam, odokkc ya:nc agom noluk nappangkvdv:dokki lunamc.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

JAKOB 1:16

Ngok aipc mc:bomsunam bvrokvdvnga, yadkosuyoka.

JAKOB 1:2

Cdcm appv:dcm mc:pobatsunampc mc:toka, ngokkc bvrrangkvdvnga cdvlo nolu angu angu ipuseire:ycm pa:ycji,

JAKOB 1:26

Akonc jodi mc:suyc bv dormokannc, odokkc bvk ayodcm motumsumang cmpige:la bvk asindcm yadsudo, cdc tani:dok dormodc cmmumpc idag.

JAKOB 2:1

Ngok bvrrangkvdvnga, akonongcm aipc mc:nam lcngkanyoka nolu Ru:tum Jisu Kristomc mc:jvgla mc:tu:la, amin gvnclok Ru:tumdc.

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

JAKOB 3:10

Nappang akko:dokkc akirba:dclang pelvgnammc lendag. Ngokkc bvrrang kvdvnga, cdc cdcmpc ipcma:namc.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

JAKOB 5:12

Cdcmpige:la appv:dcmyam, ngok bvrrang kvdvnga, taycng among aminkokki cdcmanggom mo:pvsokki cdcmanggom angu atv pesunamkokki, pesuyoka, cmpige:la noluk c:v cmnamdc c:v cmka:lang odokkc noluk ma: cmnamdc ma:, jc nolum aima:ncpc lula mokenampc ipcnammang.

JAKOB 5:19

Ngokkc bvrokvdvnga, nolukkolok akonc arodokkc gvmurra gvgo:ycnc odokkc sc:koiyc bvm gvlatboyckunc,

1 JO:N 2:21

Ngo nolukkolo:pc addung, nolu arodcm kinmang cmna:mang, cmpige:la lcga:dc nolu cdcm kinga:lok, odokkc kinnangka jc oko lume:namcsin arodokkcmang.