IPESIANG KVDVNG 6:8 - ANU LUGOD N. T. (BSI)

⁸ Kinna jc okodcmci aincm atvko akonc idoji, bv Ru:tumkolok cdcmvng pa:yc, bv pagbodaggom cdcmanggom avkc mcngkampc du:daggom.

IPESIANG KVDVNG 6:8 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 20:7

Bulu bvm luto, ‘Kapilanc sc:kosin ngolum ager germopc gogmang.’ Bv bulum luto, ‘Nolusin ngok angurba:riolo:pc gvkang.’

METIU 5:12

Mc:polangka odokkc mc:yumsutoka, kapila:nc taycng amo:tc noluk amanc bojcrungko dung. Kapila:nc cdcmv:pc tani:kvdv:dc agom lungorla lunckvdv:dcm ipusire:la ika noluk po:pcbong.

METIU 6:1

“Ansulangka noluk Ru:ncpvncmc kumnamcm tani:kvdvngc ka:ycpc cmna kumma:pcka; kapila:nc odomvlo noluk taycng amongkc Ba:bukolok amancm pa:ma:yc.

METIU 6:4

Odomvlo noluk cpv:pc binamdc kinmango:pc binampc iyc; odokkc noluk Abudc sc:kobv kinmango:pc ka:dagnc amancm biycpc.

LU:KKC 14:14

miglunc kvdv:dcm odokkc odo nolu aipaiycm pa:yc, kapila:nc bulu nolum bilatsulangkuma:yc. Aropc ainckvdv:dc sige:la lckoda turlangkula kcbang ba:dokudodo nom bigangcm biyckupc.”

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

KOLOSIANG 3:24

kinna jc Ru:tumkolokkcm nolu pangkonsupcnamdcm noluk amanpc, nolu Ru:tum Kristokc agercm gerdung.

KOLOSIANG 3:25

Kapcnc imur ager gerncdcm bvk germurdok lcgang palvgcm lvgycku, odokkc odo mc:nam mc:mang kama:yc.

HIBRIUKVDVNG 10:35

Cdcmpidag noluk mcngkvsunam kvdv:dcm crpakyoka, odokkc bottcru:nc amanko du:ji.

HIBRIUKVDVNG 11:26

Bv Kristokc lcgangc ipusire:pa:nam-gvnamdcm Igiptolok mitc-mircmdcmyam bottcya:nc mitcmircmpc mcngkang, kapcnc bv amandcm kanggcla ka:to.