IPESIANG KVDVNG 5:3 - ANU LUGOD N. T. (BSI)

³ Cmpige:la ami nc:ng langgo:nammc odokkc appvng narc:ma:nc agerc cdcmanggom ka:bomanggomsinci noluk ara:lo lulenpa:mang, aipc kumnc tani:kvdv:dokkcpc cdcmpc cdc aido.

IPESIANG KVDVNG 5:3 ပူးပေါင်းရင်းမြစ်များ

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

IPESIANG KVDVNG 5:5

Scm arorung cmna mc:toka, jc oko ami nc:ng la:nc cdcmanggom narc:ma:nc tani:yc, cdcmanggom sc:kobv ka:bo mc:bodagji cdc, monam moimang kumnc, kapcsin Kristokc migom doko amo:dcm pa:mvnkuma:yc odokkc Ru:ncpvnckcdcm.

1 TISSALONIANG 4:3

Kapila:nc sc Ru:ncpvnckc mcngkamdc, noluk angunna gvnamdc; jc nolu aima:pc, mc:boka:bonamlokkc (nc:ng milbong ka:bomc:bonammc) gc:rlangka;

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

1 KORINTIANG KVDVNG 6:13

“Donamdc aki:dok lcgangc odokkc aki:dc donamdok lcgangc” odokkc Ru:ncpvncbv anyipakdcm akondcmna: akondcm anyipakdcm momvgyc. Amvrdcm aisi:ma:nc ager gernam lcgangcmang, cmpige:la Ru:tumkc lcgangc, odokkc Ru:tumbv amvrdok lcgangc.

IPESIANG KVDVNG 5:12

Kapila:nc buluk lc:sula ager gernamkvdv:dc:sinci lupc anyi:pcnamc;

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

LUNGOR LUNAM 2:21

Ngo bvm asinc mc:dvrra mc:latsudokupc ayircm bika, cmpige:la bvk aisi:ma:nc ager geryitnam kvdv:dcm bv mcge:mang cmdag.

1 KORINTIANG KVDVNG 10:8

Ngolu aisi:ma:nc agercm germopc mcngkvmopc lagimang bulukkolok akke gernamdcmpc, odokkc vyvngkolang awum lvngkokopc longc atcro:do singapkang.

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

1 KORINTIANG KVDVNG 5:1

Aropakpc cdcmpc lubidung jc noluk ara:lo aisi:ma:pc imvngvmvnsutung, odokkc cdcmpc inamc ui-inc kvdv:dok ara:lo:sinci ka:begmang; Kapila:nc tani:akonc bvk abudok nc:lok lcdulo du:mvndung.

LUNGOR LUNAM 9:21

cdcmanggom bulu bvk tani: mokenamkvdv:dok lcgangc asinc mc:dvrra mc:latsutokumang cdcmanggom morunamkvdv:dokkc cdcmanggom buluk aima:nc ager gernam kvdv:dokkc cdcmanggom buluk dopsongnam kvdv:dokkc.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

HIBRIUKVDVNG 12:16

jc sc:kosin aima:n ager gerncpc cdcmanggom Esaukcmpc dormo kama:pc ipcma:namc, sc:kobv bvk ododokkcbong pa:nam onam sottom apin kosak lcgangc kopaksutonc.

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

TITUS 2:3

Abv:nc nc:ngkvdv:dcmsin cdcmv:pc lulvgtoka agomasv inam-sa:namlo aiyo:dopc, lume:pc luncpc ima:dopc cdcmanggom tv:nclok pagbopc ima:dopc; okodc aidagji cdcm bulu poyirpa:yc,

2 TIMOTI 3:2

Kapcnc tani:kvdv:dc avycm aipc mc:ncpc iyc, murkongcm aipc mc:ncpc, lubonsunnc, ngowong cmna mc:sunc, keker-jengerla lunnc, buluk ancabukvdv:dok lunam tadma:nc,

AGER KVDVNG 15:20

Ckvdaggom bulukkolo:pc adpcnammc murti:ycm kumlusula kumnamcm mcpakdopc odokkc nc:ngcm aima:pc mc:boka:bo kolokkc odokkc okodc okkom yumkela dodagji odokbulukkc.

2 PITOR 2:14

Buluk amikkvdv:dc ami miycng la:binammongcm kanggodanna du:nc, pa:p ipc cdvlosin pv:ma:dopc. Bulu aso:pc du:jo:ma:nc yalokvdv:dcm yadgo:dag. Bulukkc dorvdonyodopc mcngkainam asinc dung.

2 PITOR 2:10

odokkc ncrkvgpc cd sc:kobulu mc:bo ka:bonammcm mc:la mcnggomola narc:ma:pc imodagji odokkc ka:sv:mosv:ncm agom lukamcm tadmang.

1 PITOR 5:2

Ru:ncpvnckc kcrc:dcm ka:sv:mosv:toka cdc nokkcpc nom kanggabma:namdcm, ke:ke:more:pcmang cmpige:la mc:lvgsula,

TITUS 1:11

bulum aso:pc du:moru:pa:yc; bulu crang appvngcm aglvng sangapmola:yam aima:pc ncrkvg arc pa:nam lcgangc poyirgo:la:yam okodcm bulukkc poyirpcnam sotto kama:ji.

TITUS 1:7

Kapcnc dormo ager gergcnclok gergurnc Ru:ncpvnckc okum kanggabya:ncpc ipc, aima:nc agom lugong kapa:ru:ma:yc; bv ngowong cmna mc:suru:pa:ma:yc cdcmanggom apong tv:la tvngvrsunnc cdcmanggom kvnggv:pc pamvnsugo:la cdcmanggom arc pa:pc cmna mc:bo ka:boncpc ima:pc,

1 TIMOTI: 3:3

amin gvnc, mibobolv:nc, agom kinnc poyirncko, apong tvngvrsugo:ma:nc, momvnsugo:ma:pc cmpige:la asin ansv:ncpc, pamvnsugo:ma:ncpc odokkc murkongcm mc:boma:nckopc.

1 TIMOTI: 2:10

Kapc dormo inc nc:ngkvdv:dokkcpc aidagji.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

ROMANKVDVNG 16:2

dormo ager gerya:nc ko:ncngkonc Kinkriae rcngamdokkc, jc Ru:ncpvnckolo nolu bvm Ru:tummc kumnc tani:kopc torvgsudopc, bvm okodomci madagnc bidumsulang, kapila:nc bv bojcrung lcgangc ka:dum-idumsunnai odokkc ngomsin avycm cdcmv:pc.

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

AGER KVDVNG 20:33

Ngo sc:kkai murkongcmba: avncmba: ainc gcnam attarcm ka:bo-mc:bomang.

LU:KKC 16:14

Parisi:kvdv:dc sc:kobulu murko: mc:bodagaji, cdc appv:dcm tatto, odokkc bulu Bvm luka:la luto.

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

LU:KKC 12:15

Odokkc Bv bvm luto, “Ansutoka, odokkc ka:bomc:bonam appv:lokkcm avyc ansula du:langka; kapila:nc tani:akolok turnamdc bvk bojcrungko attar kanamsv:nam-dokkimang.”