IPESIANG KVDVNG 5:15 - ANU LUGOD N. T. (BSI)

¹⁵ Ka:tok ansuka:sula cmpcm kapc nolu lambcm gvdoji, asin mcngkinma:nc tani: kvdv:dcmpcmang cmpige:la kinnc-pa:ncmpc,

IPESIANG KVDVNG 5:15 ပူးပေါင်းရင်းမြစ်များ

KOLOSIANG 4:5

Mo:rongolok tani:kvdv:dcm nolu kinnc-pa:ncpc ila ila:sa:langka, appvng ayirkvdv:do aiyo:pc.

JAKOB 3:13

Noluk ara:lo kinncpa:ncdc:lang mcngkinncdc sc:kon? Bvkkc ainc turnamdokki bvk ainc agerkvdv:dcm lcngkanmotok asinc ansv:pc mc:sula kinnam pa:namki.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

1 TIMOTI: 6:9

Cmpige:la cdc sc:kobulu mircmpc cmna mc:dagnc ka:bo-mc:bonam lendag, keteplo pandag, bojcrungko kinma:pa:ma:nam odokkc mojog-morognam mc:namcm mc:dag cdc tani: kvdv:dcm sinamno:pc obudsumodag odokkc omvgosvgsunamlo:pc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

METIU 10:16

“Ka:toka! Ngo nolum me:r sobencmpc ra:miki: ara:lo:pc mclvgdung; cdcmpidag tabbcmpc mcngkin-sagkinnang odokkc pckkcmpc yayulang.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

LU:KKC 24:25

Odo Bv bulum luto, “C:i monba:-ba:nc tani:kvdvnga, lungor lunc appv:dc lunam kvdv:dcm aso-aso:pc mc:jvgnc kvdvnga!

GALATIANG KVDVNG 3:3

Yalodokki gerrobge:la, nolu adin-amvrdokki gerabdu:nci?

HIBRIUKVDVNG 12:25

Ka:toka jc nolu bvm lupaksuma:pc sc:kobv lula du:ji. Kapcnc jodi bulu cdvlo Bvm lupaksutoji mo:pvso sc:kobv bulum lurvdla lutadtoji bulu basila:mang, aipc adji:ya:pc basila:yc jodi ngolu Bvm lupakyc sc:kobv taycngtokkc lurvdla, lutadycji.

METIU 27:24

Cdcmpila Pilatbv ka:namc bv okkomsin ila itung tu:tomang, cmpige:la urradc yawokang, bv asiko la:to, odokkc yadkumsunc tani:kvdv:dok Kangkodo bvk alagso:nyidcm vrpu:suto, scmpc lula, “Ngo sc tani:sok i:lcgangc okkomsin kinmang; cdcm nolu avyc avycm ka:sulangka,”

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

METIU 8:4

Odokkc Jisubv bvm luto, “Ka:langka no sc:komsin okkomsin lubima:pc; cmpige:la gvkang, no avcm kumna ager gerpvtbonc kvdv:dcm lcngkansuta:ka, odokkc Mose:bv bilangka cmnam amandcm bita:ka, tanikvdv:dcm aropc aikunamdcm lcngkansuta:ka.”

IPESIANG KVDVNG 5:33

Cdcmpidaggomsin, noluk appvngc av avkc nc:ngcm bvk avkcmpc aipc mc:sumotoka, odokkc appvng nc:ngcm ka:motoka jc bvk milbo:dcm bv mcnggcdagrung.

KOLOSIANG 1:9

Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna.

GALATIANG KVDVNG 3:1

C:i monba: ba:nc Galatiangkvdvng! Nolum sc:ko luyuton, sc:k ka:de:pc Jisumc tani:ka:de:pc kurusdo pvtketo cmna lulen-lua:la lubiton?

METIU 27:4

“Ngo imurkama:nc i:ycm mirupc imola pa:bcm ito.” Bulu luto, “Cdc ngolukkcpc okkon? Cdcm no avyc avkcpc ka:sutok.”

METIU 25:2

Odokbuluk anggokonc mcngcsagc kama:nc, odokkc anggokonc kinnc-pa:nai.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.