IPESIANG KVDVNG 4:32 - ANU LUGOD N. T. (BSI)

³² Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.

IPESIANG KVDVNG 4:32 ပူးပေါင်းရင်းမြစ်များ

METIU 6:12

Odokkc ngoluk narnam mc:yinsuteika, Ngolusin ngoluk narnckvdv:dcm kapc mc:yinamsutonc;

MARKKC 11:25

Odokkc cdvloi nolu kumdom dagrobdonc, mc:yinsulang nokkc sc:kaikc mcngkamdcmpc mc:ma:namko du:mvlo;

LU:KKC 1:78

ngoluk Ru:ncpvnckc rcmakpc mc:yinsunamdokki, cdvlo cdc longcdc ngolukkolo pvnga:ycnc taycng amo:tokkc

LU:KKC 11:4

Odokkc ngoluk pa:pkvdv:dcm mc:yinsuteika, kapila:nc ngolusin ngolukkolok dogcsunam mc:yinsudo; Odokkc ngolum ankang ka:namno:pc gvboyoka.’ ”

LU:KKC 17:4

Odokkc nok birudi:pc longcdcm kvnvdkopc pa:pko bv imurycmvlo, odokkc nokkolo:pc kvnvdkopc gva:ycmvlo, odokkc luyc, ‘Ngo asinc mcngkutsula mc:dungku,’ no bvm mc:yinsupa:yc.”

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

LU:KKC 6:37

“Kcbangcm momvnsuyoka, nolumsin kcbangcm moma:ycpc: aimang cmna lugc:yoka, nolumsin aimang cmna luma:ycpc; mc:yinsulangka, nolumsin mc:yinsuycpc; bilangka, odo cdcmv:pc nolumsin biycpc;

AGER KVDVNG 28:2

Odokkc odok du:nc tani:kvdv:dc ngolum anggoscscmpc ayangcm lcngkanto, kapila:nc bulu vmmcm parbito odokkc ngolum appvngcm goga:to, kapila:nc pcdongc owa:bomkang odokkc ansv:dagai.

ROMANKVDVNG 12:10

akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

1 KORINTIANG KVDVNG 13:4

Aipc mc:namdc mentumsula du:namc odokkc aya:pc mc:namc; Aipc mc:namdc amigdvgncmang cdcmanggom pirtapc mansuncmang; cdc ngowong cmna mc:suncmang cdcmanggom ikat-siyatla incmang.

2 KORINTIANGKVDVNG 2:10

Akoncmumcm nolu sc:kom mc:yisudonc, ngo:sin mc:yinsudo. Ngo okodcm mc:yinsutonc, ngo jodi atvko mc:yinsuto, Kristokc ka:de:pc noluk lcgangc,

2 KORINTIANGKVDVNG 2:7

Cdcmpidag nolu cdcmyam bvm mc:yintoka odokkc ni:toka, ckvma:mvlo bv mc:dvrc abaya:la mctapsupckc.

2 KORINTIANGKVDVNG 6:6

Napv-narcngkokki, kinnamkokki, menya:sula du:namkokki, asin aya:pc mc:namkokki, Angunnc Yalodc, narc:pc:sc:nc ayangc, aropaknc agom lunamc, odokkc Ru:ncpvnckc tornamdc;

IPESIANG KVDVNG 5:1

Cdcmpidag Ru:ncpvnckcmpc imvntoka, aipc mc:bomsunam ommangcmpc.

JAKOB 5:11

Ka:toka, ngolu cdcmbulum mc:ponc cmna ludo sc:kobulu lo:dcm lo:dvlongkvpc menrasula dungaji. Nolu Jo:bkc lo:dv longkvpc menrasula du:namcm tadto, odokkc nolu Ru:tumkc mcngkamdcm kinto, kapc Ru:tumbv aya:sitapc mc:nckoji odokkc aya:nckoji.

2 PITOR 1:7

odokkc dormokanamdc bvrrangpc aipc mc:namki, odokkc bvrrangpc aipc mc:namdc aipc mc:namki.

1 JO:N 1:9

Jodi ngoluk pa:pkvdv:dcm lude:suyc, Bv mc:jvg jvgncko odokkc aropc kcba:ba:ncko, odokkc ngoluk pa:pkvdv:dcm mc:yinsubiyc odokkc ngoluk appvng dormo kama:namlokkcm mopu:dag.

1 JO:N 2:12

Ngo nolum addung, ame:onc ommang kvdvnga, lcga:dc noluk pa:pkvdv:dcm Bvk lcgangc mc:yinsutobong.