IPESIANG KVDVNG 4:29 - ANU LUGOD N. T. (BSI)

²⁹ Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

IPESIANG KVDVNG 4:29 ပူးပေါင်းရင်းမြစ်များ

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

LU:KKC 4:22

Odokkc Bvm appvngc aidag cmna lukang, odokkc Bvk nappa:dokkc lennc agomkvdv:dcm tadla tadngagamsukang; odokkc bulu luto, “Sc Josepkc awodc:ma:lang?”

JO:N 1:37

Cdc agom tadjvgla gvmvnnc tani: anyidc Bvk cdc lunamdcm tadto, odokkci bulu Jisukc lcdulo gvmvnkang.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

1 KORINTIANG KVDVNG 14:19

Cdcmpc idaggom imanggom mondoli:do ngo asinbokki gomug pirngoko ngo luya:yc, ammem luyirnam lcgangc, lv:yvng vyvngkopc angu agomki lunamdcmpcyam.

IPESIANG KVDVNG 4:12

Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

KOLOSIANG 4:6

Noluk agom kvdv:dcm lo:dvscm ayangabo kamolangka, aloki yonnampc, odomvlo jen nolu kinycpc nolu appvngcm kapc lutalsupcnammcji.

1 TISSALONIANG 5:11

Cdcmpidag akoncm akonc asincm pvtamolang odokkc akoncm akonc mosa:lang, kappar nolu ila du:ji.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 3:1

Cdcmv:pc nc:ngkvdv:nolu, noluk milbong kvdv:dok lukamdcmpci tadlangka, odomvlojen akke, bulu agomdcm tadmanggom, mopvla:ya:pc agom apirkosin lumango:pc buluk nc:ngkvdv:dok inamsa:namki,

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.