IPESIANG KVDVNG 4:22 - ANU LUGOD N. T. (BSI)

²² Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

IPESIANG KVDVNG 4:22 ပူးပေါင်းရင်းမြစ်များ

ROMANKVDVNG 6:6

Ngolu kindagjc ngoluk aku amvrdcm Bvk lcdulo kurusdo pvtketo odomvlojen pa:b kanc amvrdcm momvgmosvgycpc cmna, odokkc ngo cdvlosin pa:blok pagbopc ima:dopc cmna.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

HIBRIUKVDVNG 3:13

Cmpige:la akoncm akonc longgcm longgcm luyirmvnsulang, cddvlo:pc “silo” cmna luycji, jc nolukkolok sc:kosin pa:pdok yadnamdokki asin torma:ycpc.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

IPESIANG KVDVNG 4:25

Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.

1 PITOR 4:3

Cdc gvpaknc ayirdcm cdc pvngka:bong okodcm Ru:ncmc kinma:nc tani: kvdv:dc ilv:dagaji, ka:bomc:boge:la aglvngc sa:namkvdv:dc, tvngvrdowursunamc, tvngvrsula madgo:nammc, tv:la jcnggumnammc, odokkc lujvgluro lunam kama:pc monam moimang kumnamc.

IPESIANG KVDVNG 4:17

Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm;

2 PITOR 2:13

Imurlokkc lcgangc imurcm pa:la. Bulu cdcm mc:ponammc cmna mc:dag longcdo birudi:pc ipc longgayirv:do. Bulu buluk ise-siyenamlo birudi:pc idag, mu:pakla narc:ma:pc imodag, nolukkolo tvngvrdowursula.

1 PITOR 1:18

Nolu kindag jc nolu arvsu:ma:nc lambcdokkc gvlatkunckvdv:dok du:pakncdci noluk abukvdv:dokkc dungkonsubomna, yogpakpcnc attarkokkimang cdc silborc cdcmanggom avnc,

KOLOSIANG 2:11

Bvkkolo nolusin gadpuknammcmsin gadkosuka, adin-amvrdcm la:paksula Kristokc gadpuknamdo;

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

2 PITOR 2:7

kvnggv:ru:pc lume:lula bipodc a:la aima:pc ager gernckvdv:dokki.

GALATIANG KVDVNG 1:13

Kapila:nc nolu ngok po:pckc Jiwu dormodok du:nam dagnam kindag, kapc ngo Ru:ncpvnckc mondoli:ycm kvnggv:pc ipusire:ycm ikaji odokkc cdcm momvgpc cmna ankvla kangka, odokkc;

ROMANKVDVNG 7:11

Kapila:nc pa:bdc kvnggv:pc lulvgnamdo so:lcm pa:la, ngom yadto odokkc odokki ngom moketo.

JAKOB 1:26

Akonc jodi mc:suyc bv dormokannc, odokkc bvk ayodcm motumsumang cmpige:la bvk asindcm yadsudo, cdc tani:dok dormodc cmmumpc idag.

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

IPESIANG KVDVNG 4:31

Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.