IPESIANG KVDVNG 4:15 - ANU LUGOD N. T. (BSI)

¹⁵ Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji.

IPESIANG KVDVNG 4:15 ပူးပေါင်းရင်းမြစ်များ

1 JO:N 3:18

Ameo:nc ommang kvdvnga, kajc ngolu gompir gomugongcba: agom lunamongki aipc mc:yoka cmpige:la agerkokki odokkc arokokkisin.

IPESIANG KVDVNG 4:25

Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

IPESIANG KVDVNG 2:21

sckkolo mosa:nam appv:dcmci lckopc mokumsutag odokkc Ru:tumkolo angunnc kumko okumpc bottasa:do;

IPESIANG KVDVNG 1:22

odokkc bv appvng attarcm Bvk alc kcvgpc lc:to odokkc appvng attarrok Bvm mittukpc ru:to mondoli:dok lcga:pc,

1 PITOR 2:2

Anupc onam Kowawcmpc, angunpc narc:nc gakvrdcm asinang olangka, jc cdcmpc ila nolu moturnamdo:pc sv:sa:ycpc;

ROMANKVDVNG 12:9

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji;

JO:N 1:47

Jisubv Natanaelmc Bvkkolo:pc gva:dopc ka:to, odokkc bvm luto, “Ka:toka, Israel akonc aropcma:nckonc, sckkolo atv yadnam panam kama:nc.”

IPESIANG KVDVNG 5:23

Kapcnc milbo:dc nc:dok mittugc kapc Kristobv mondoli:dok mittugcji, bvk amvrdc, odokkc Bvk avdcvng odok moturdc.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

2 KORINTIANGKVDVNG 8:8

Ngo scm lulvgla lunampc lumang, cmpige:la amikc asinc kvnggv:nammcm la:lenna lcngkanpc jc noluk aipc mc:namkvdv:dc:sin arorung.

1 KORINTIANG KVDVNG 11:3

Cmpige:la ngo nolum kintoka cmna mc:dag jc appvng tani:lok ru:tumdc Kristobv, nc:ng tani:lok ru:tumdc milbo:dc, odokkc Kristokc ru:tumdc Ru:ncpvncbv.

IPESIANG KVDVNG 1:4

Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.