IPESIANG KVDVNG 4:10 - ANU LUGOD N. T. (BSI)

¹⁰ Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc.

IPESIANG KVDVNG 4:10 ပူးပေါင်းရင်းမြစ်များ

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

HIBRIUKVDVNG 4:14

Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai.

KOLOSIANG 2:9

Kapcnc Bvkkolo appvng Ru:ncpvnc amvrpc du:do-dagdo,

KOLOSIANG 1:19

Kapcnc Bvkkolo Ru:ncpvnckc appvng bi:dandopc pv:namdc du:pc mc:lvgsukang,

METIU 24:34

Aropakpc, ngo nolum lubidung sc ayirsok tani:kvdv:sc yogma:yc sc atv appv:sc lenma:sisscm.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

IPESIANG KVDVNG 3:19

Odokkc Kristokc aipcmc:namdcm kindopc okodo kinnamcm gvbadya:dagji, nolujen Ru:ncpvnckc appvng binamcm bi:ycpc.

AGER KVDVNG 1:9

Odokkc Bv cdvlo cdcm lutonc, bulu ka:la du:dodcm, Bvm tayc:pc la:sa:to, odokkc mukkang atakkonc Bvm ka:pv:langkuma:dopc dc:pakbomkangku.

HIBRIUKVDVNG 8:1

Su:pak ngolu oko lugoddok ludu:nc cdc scmpc ngolukkc cdcmpc dormo ager gernclok bottcncko du:nc, akonc sc:ko Migomdok taycng amo:tok dungkodo lagbvkpc dungka:nc.

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

AGER KVDVNG 1:11

“Galildok Tani:kvdvnga, nolu kapila tayc:to:pc ka:sa:tvla du:n? Cdc Jisumc, sc:kom nolukkolokkcm taycngpc gvbokangkunc, cdcmv:pc lckoda gvlatycku nolu kapc tayc:pc dc:dokupc Bvm ka:tonc.”

JO:N 19:36

Kapila:nc odokbuluk lcgangc cdcmpc ikang astrong agomdc:jen aropc iycpc, “Along asongkosin jen dvrsotma:ycpc.”

JO:N 19:28

Odok lcdupc Jisubv, appv:dcm su:pak ingabtobong cmna kinsuge:la, luto (astrong agomdcm lukamdcmpc idopc,) “Ngo tv:lv:dung.”

JO:N 19:24

cmpila bulu akoncm akonc luka:mvnsuto, “Kai scm petsotyobongka, cmpige:la sckkcpc sc iycji siti:ko ku:lai.” Cdc astrong agomdcm lukamdcmpc idopc ikang. “Bulu ngok gcnam attarkvdv:dcm buluk ara:lo petpansuto, odokkc ngok attarkvdv:dcm bulu siti:pc ku:to.”

JO:N 1:16

Odokkc Bvk pv:namcm ngolu appvngc torvgsutobong, ayang tayc:lok ayangcm.

LU:KKC 24:44

Odo Bv bulum luto, “Sc-bulu ngok agomkvdv:dc ngo nolum oko okodcm ludu:ji ngo noluk lcdulo du:mvndodo:bong, jc ngok agomcm Mose:kc lujvg lurodo odokkc lungor lunamkvdv:do odokkc ni:tomkvdv:do adkamdcmpc ingapru:pa:yc.”

2 KORINTIANGKVDVNG 12:2

Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.