IPESIANG KVDVNG 3:17 - ANU LUGOD N. T. (BSI)

¹⁷ odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

IPESIANG KVDVNG 3:17 ပူးပေါင်းရင်းမြစ်များ

KOLOSIANG 2:7

appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

LUNGOR LUNAM 3:20

Ka:toka, ngo yabgodo dagla dungge:la piku:do: jodi sc:kai akonc ngok gomugdcm tadbegyc odokkc yabgodcm moge:yc, ngo bvkkolo:pc gva:yc odokkc bvk lcdulo du:mvnyc, odokkc bv:sin gnokkolo.

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

1 JO:N 4:4

Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

LU:KKC 6:48

bv okum monc tani:koncmpc idag, sc:ko o:rv:pc aru:dcm ngundagji, odokkc moko amo:dcm vlv:tayclo modagnc; odokkc cdvlo pu:mi: assc gvla pu:sangka:ji, asidc bidla cdc okumdcm nvnga:to, odokkc cdcm bidkukla:tomang, kapila:nc cdcm kvnggv:pc motungai.

METIU 13:6

Ckvdaggom cdcbulu do:nyi ka:namki sanpakkang; odokkc odokbulukkc appvr kama:la:yam sanangamkang.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

1 KORINTIANG KVDVNG 8:1

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

1 KORINTIANG KVDVNG 3:6

Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!