IPESIANG KVDVNG 2:8 - ANU LUGOD N. T. (BSI)

⁸ Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

IPESIANG KVDVNG 2:8 ပူးပေါင်းရင်းမြစ်များ

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

METIU 20:9

Odokkc cdvlo cdc ayir vyvng anggoko germonamkvdv:dc gva:tonc, appv:dc adoli: apir apirko pa:to.

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

LU:KKC 7:50

Odokkc Bv nc:dcm luto, “Nok mc:jvgdc nom moturto; mc:po:pc gvkangkuk.”

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:35

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 6:44

Sc:kosin ngokkolo:pc gva:la:mang Abudc sc:ko ngom mclvgtagji bvm mc:bomola gva:moma:mvlo; odokkc bvm ngo du:tcr dungap longcdo turmoycku.

JO:N 6:65

Odokkc Bv luto, “Cdcmpila:na ngo nolum lubitonc jc Abudc:ma:mvlo sc:kobv:sin ngokkolo:pc gva:la:mang Abudc togcsuma:mvlo.”

AGER KVDVNG 13:39

Odokkc Mose:kc lujvglurdokki okodcm nolu motubila:toma:ji mc:jvgnc takamcm motubito.

AGER KVDVNG 14:27

Odokkc cdvlo bulu ko:pv:toji, bulu mondoli:dok tani:kvdv:dcm lckko:pc gokkumsuto odokkc Ru:ncbv bulukkokki gernam appv:dcm lubiamtoku, odokkc kapc Bv tani:kvdv:dok ara:lo mc:jvglok yabgoko moge:toji.

AGER KVDVNG 15:11

Ckvdaggom ngolu mc:jvgdo:jc ngolum Ru:tum Jisukc ayangkokki moturyc bulum moturarkamcmpc.”

AGER KVDVNG 16:14

Noluk agom tadnckvdv:dok akonc Tiatira nogordok Lidia cmnam nc:ngkai, ba:yomcmpc genc attarcm konckonc, sc:kobv Ru:ncpvncmc kumncka:ji. Ru:tumbv bvk asindcm Poulbv okodcm lubitoji cdcm tadgapdopc kuge:moto.

AGER KVDVNG 16:31

Odo bulu luto, “Ru:tum Jisukolo mc:jvgtoka, odo no turycpc, no:lang nok okum crangc.”

ROMANKVDVNG 10:14

Cmpige:la kapc tani:kvdv:dc Bvm gogycn sc:kom bulu mc:jvgma:ji? Odokkc kapc bulu Bvm mc:jvgycn sc:kokc agomcm bulu cdvlosin tadkvma:ji? Odokkc bulu kapc tadycn agom lutadbinc ako kama:pc?

ROMANKVDVNG 10:17

Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

ROMANKVDVNG 4:5

Odokkc sc:kobv ager germa:nc cmpige:la Bvm mc:tinsudag sc:kobv aima:pc inckvdv:dcm kcbang ba:dagji, bvk mc:jvgdcm dormokanamc cmna kvgabdag.

ROMANKVDVNG 9:16

Cdcmpidag cdc tani:lok mc:namkokki cdcmanggom luyirkokkimang, cmpige:la Ru:ncpvnckc ayang abokokkipak.

GALATIANG KVDVNG 3:14

Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

GALATIANG KVDVNG 3:22

Cmpige:la Ru:nckc agom jvggabdc appvng atvcm pa:plokkcpc tubjedcm tublvgtobong, jc Jisu Kristokolo okodcm pesubitonc cdcm sc:kobulu mc:jvgdagnc cdcmbulum biycpc cmna.

IPESIANG KVDVNG 1:19

odokkc okodc kvngapla:ma:nam Bvk ilang gvla:dok bottanammcji ngolukkolo sc:kobulu mc:jvgdoji, Bvk bottcru:nc tornam ager gernamdcm bulupc

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

IPESIANG KVDVNG 2:5

cddo:mang cdvlo ngolu sila dungaji ngoluk imursiyarkoki, ngolum Kristok ayangkokki nolum moturtoku,

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.

KOLOSIANG 2:12

odokkc nolum Bvk baptismo:do agolo lc:tobong, okodo nolusin mc:jvgkokki sikolokkcm Ru:cpvnckc ager gernamdokki turmotoku, sc:kobv Bvm sikolokkcm turmotokuji.

2 TISSALONIANG 1:9

Bulu lo:dvlongkvpc singapkupcnam palvgdcm pakosuycku odokkc Bv ilang-gvla:namdok amin gvnamdokkc,

HIBRIUKVDVNG 6:4

Kapcnc lcko luyirla kinmodag lcdudokkc cdcmbulum lckoda asincm mc:dvrra mclatsumolangkupc mc:la:mang, sc:kobulu taycng amandcm pangkvtu:bo:ji, odokkc Angunnc Yalodcm pa:mvnkunnc,

1 PITOR 1:5

Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.