IPESIANG KVDVNG 2:3 - ANU LUGOD N. T. (BSI)

³ Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

IPESIANG KVDVNG 2:3 ပူးပေါင်းရင်းမြစ်များ

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

1 PITOR 1:14

Kapc agom tadnc ko:kang kvdvvngc, noluk po:pckc kinma:pa:ma:nc mc:nam sagnamdc ajonpc du:tvyok,

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

ROMANKVDVNG 6:12

Cdcmpidag pa:bcm noluk mo:pvsok amvrdo migomdomoyoka, nom buluk aima:-si:ma:pc mc:nam kvdv:dcmpc ila taddopc.

1 JO:N 2:16

Kapcnc rcngamsok du:nc attarappv:dc, adin amvrdok ka:bomc:bonamdc odokkc turnamsok bottapc mc:sunamdc, cdc Abudokkcmang cmpige:la mo:pvsokkc.

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

1 KORINTIANG KVDVNG 4:7

Kapila:nc sc:ko nolukkolo atvko anguko ka:begdang? Nolukkc okko du:n nolu okodcm pa:toma:ji? Nolu cdcm pa:tomvlo, kapila nolu bottapc mansudon cdc aman kama:ncpc?

ROMANKVDVNG 7:18

Kapila:nc ngo kindag jc ngokkolo oko aincsin du:ma:dagmang, cdcna, ngok adin amvrso. Ngo mc:la:dag okodc aro igod gvgoddagji, cmpige:la ngo cdcm ila:mang.

MARKKC 4:19

odokkc mircmnammcm mc:bola, odokkc ake attar lcgangc mcngkolo, odokkc agomdcm nv:rumbomdag, odokkc cdc attv kamang cmna lcngkandag.

ROMANKVDVNG 11:30

Cdcmarpc nolu lcko kapc Ru:ncpvnckc agom lukamcm tadmangaji cmpige:la su:pak aya:dcm torvgsutoji buluk agom lukamdcmpc tadma:namdcmpc,

ROMANKVDVNG 9:22

Kapc iyya:n Ru:ncpvncbv jodi, Bvk aglvngcm odokkc Bvk ilang gvlangcm kinpc cmna mc:ya:mvlo, aglv:lok lcgang mopen morenpc cmna monamdcm airu:pc mentumsuto,

JO:N 1:13

sc:kobulu i:kokki cdcmanggom adin-amvrkokkisinmang cdcmanggom tani:mc:ngkamdcmpc onammang, cmpige:la Runcpvnckokki onamcji.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

2 PITOR 2:14

Buluk amikkvdv:dc ami miycng la:binammongcm kanggodanna du:nc, pa:p ipc cdvlosin pv:ma:dopc. Bulu aso:pc du:jo:ma:nc yalokvdv:dcm yadgo:dag. Bulukkc dorvdonyodopc mcngkainam asinc dung.

1 TIMOTI: 6:9

Cmpige:la cdc sc:kobulu mircmpc cmna mc:dagnc ka:bo-mc:bonam lendag, keteplo pandag, bojcrungko kinma:pa:ma:nam odokkc mojog-morognam mc:namcm mc:dag cdc tani: kvdv:dcm sinamno:pc obudsumodag odokkc omvgosvgsunamlo:pc.

GALATIANG KVDVNG 3:22

Cmpige:la Ru:nckc agom jvggabdc appvng atvcm pa:plokkcpc tubjedcm tublvgtobong, jc Jisu Kristokolo okodcm pesubitonc cdcm sc:kobulu mc:jvgdagnc cdcmbulum biycpc cmna.

ROMANKVDVNG 1:24

Cdcmpige:la Ru:ncpvncbv bulum buluk asinkvdv:dok aima:sima:pc mcngkampc topaklvgto, buluk avkc amvrkvdv:dcm mcngkampc inamkvdv:dcmpc,

1 JO:N 2:8

Ckvdaggom ngo nolum anu lulvg lunamko addung, okodc Bvkkolo odokkc nolukkolo arro, lcga:dc kcmodc gvpakbomdu:bong odokkc aro pv:adc dorbomcidu:bong.

AGER KVDVNG 14:16

Leketo:dvkc opvn kvdv:dcm ope:appv:dcm buluk av avkc gvlvngko lambckvdv:do:pc gvmoto;

ROMANKVDVNG 2:14

Cdvlo Ru:ncmc kinma:nc tani:kvdv:dc sckkc lujvg lurodc kama:ji cmmumpci okodcm lujvglurodc madagji idagmvlo, cdc cddv:bulu bulukkcpc lujvglurro, bulukkc lujvglurro kamangcigomsin.

ROMANKVDVNG 5:9

Odokkci, cdcmpinamc, ngolu su:pak bvk i:kokki ainc cmna lunamc, Ru:ncpvnckc aglv:dokkc bojcrungko ngolum mopvtyc.

ROMANKVDVNG 5:10

Kapila:nc cdvlo ngolu mirua:ji ngolu Ru:ncpvnckolo lckotokubong Bvk awodok sinamdokki, airu:pc bojcya:pc, ngolu jc lckotokubong, Bvk turnamdokki ngolum moturyc.

KOLOSIANG 1:21

Odokkc nolu, lcko angupc mc:rula asinc mc:nc odokkc mirupc mc:dagaji, aima:nc agercm gerla: gerla.

1 TISSALONIANG 4:13

Cmpige:la ngolu nolum kinma-pa:ma:pc du:moma:yc, bvrokvdvnga, sc:kobulu sika:bo:ji odok buluk agomcm, jc nolu mc:dvrma:ycpc kapc akke idoji sc:kobulukkc mc:tinc kama:ji.

1 TISSALONIANG 5:6

Cdcmpidag kajc ngolu yubla du:yoka, kapc akke du:dagji, cmpige:la kajc darra du:lai odokkc asinc ansv:la du:lai.