15 Bvk adindokki luyirla lulvgnamkvdv:do lujvglurodcm odokkc lutcmla lunam lujvglurodcm la:pakla, jc Bv:jen Bvkkolovng anu tani:ko ru:ladopc anyidok dungkodo,
oko yc:tumnamdc ngoluk birudi:pc dagridagji odok lugot lujcmdokki luncdcm la:pakge:la; scm bv angupc lc:to, cdcm Kurusdo pvtlvgge:la.
Kapcnc sc:kobulu lujvglurodok agerkvdv:do mc:jvgla kcgc:donc pelvgnammc; kapila:nc cdcm adtag, “lujvgluro potindok adnam appv:dcm adkamdcmpc imanggvma:nc appv:dcm pelvgnampc ika:langka, odokkc cdcmbulum ima:nc.”
Anu lugod agomko ludodcm Bv lupongarnamdcm agerro aitomang cmna luto. Odokkc okodc aima:pc ika:ji odokkc akubomna gvka:ji yogpcbong cmna ila dung.
Okodcm kinnamlo anumotakji odok ru:ncdok dumsimigmo ila.
Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.
Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.
Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.
Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.
Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.
magodla manamdcmpcmang amvrlok lenncpc cmpige:la ya:mvgma:nc turnamlok ilang-gvlangnam kokkipagc.
Cdcmpidag cdc taycng du:nc attar kvdv:dokkcpc kangkonsunam kvdv:dc cdc dormo ager igod gvgodkvdv:dokki narc:dopc mopu:dopc, ckvdaggom taycng du:nc attar-avkvdv:dc palvgnam kvdv:dcmyam aiya:dagai.
Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.
Kapila:nc Bv ngoluk mcnganc, sc:kobv ngolum anyipagcm akkongkopc ru:toji, odokkc mirupc imvnsula:namdok mopansunamdok bare:dcm mopentoji,
cdcmpila mcnganmola, odokkc ngolum anyipagcm Ru:ncpvnckolo:pc amvr atcrongkolo kurusdokki lckomotoku, odokki mirupc imvn sunamdcm itcrsumoto.
Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.
Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.